قازاقستاننىڭ ەڭبەك ەرى يۋري ۆلاديميروۆيچ پيا جەتەكشىلىك ەتەتىن ۇلتتىق عىلىمي كارديوحيرۋرگيا ورتالىعى – ەلىمىزدەگى زاماناۋي ەمدەۋ مەكەمەلەرىنىڭ ءبىرى. گەرمانيا, يتاليا, بەلگيا, فرانتسيا, اقش, تۇركيا, ت.ب. ەلدەردىڭ جەتەكشى كلينيكالارىمەن تىعىز سەرىكتەستىك قارىم-قاتىناس ورناتقان كلينيكا اشىلعالى مۇندا جۇرەككە مىڭداعان وتالار جاسالىپ, ەكى سىرقاتتىڭ جۇرەگى اۋىستىرىلدى. تومەندە نازارلارىڭىزعا ۇسىنىلىپ وتىرعان لەبىزدەر وسى ورتالىقتىڭ قىزمەتىنە دەگەن ەل ريزاشىلىعى ەكەنى داۋسىز.
قازاقستاننىڭ ەڭبەك ەرى يۋري ۆلاديميروۆيچ پيا جەتەكشىلىك ەتەتىن ۇلتتىق عىلىمي كارديوحيرۋرگيا ورتالىعى – ەلىمىزدەگى زاماناۋي ەمدەۋ مەكەمەلەرىنىڭ ءبىرى. گەرمانيا, يتاليا, بەلگيا, فرانتسيا, اقش, تۇركيا, ت.ب. ەلدەردىڭ جەتەكشى كلينيكالارىمەن تىعىز سەرىكتەستىك قارىم-قاتىناس ورناتقان كلينيكا اشىلعالى مۇندا جۇرەككە مىڭداعان وتالار جاسالىپ, ەكى سىرقاتتىڭ جۇرەگى اۋىستىرىلدى. تومەندە نازارلارىڭىزعا ۇسىنىلىپ وتىرعان لەبىزدەر وسى ورتالىقتىڭ قىزمەتىنە دەگەن ەل ريزاشىلىعى ەكەنى داۋسىز.
قىمباتتى يۋري ۆلاديميروۆيچ!
سىزگە ۇلىم ەركىنبەك شاياحمەت ۇلىنىڭ جۇرەگىنە وتا جاساپ, جانىن امان الىپ قالعانىڭىز ءۇشىن العىس ايتامىن. ءسىز تالايلاردىڭ ومىرىنە اراشاشى بوپ جۇرگەن جانسىز. ەڭبەگىڭىز جانا بەرسىن.
ءبارى دە قولىندا عوي جاراتقاننىڭ,
دارىگەر, شيپالى ەكەن الاقانىڭ.
الدىمەن اللام قولداپ, ءوزىڭ بولىپ,
قايتا ومىرگە كەلگەندەي بالاپانىم.
كەرەگى دارىگەرگە ءتوزىم-ەرىك.
جاسادىڭ ق ۇلىنىما كوزسىز ەرلىك.
قولىمنان كەلەتىنى وزىڭە ارناپ,
سىيلادىم از دا بولسا ولەڭ ءورىپ.
تولەۋحان ابىلقاسىمقىزى.
ۇلتتىق عىلىمي كارديوحيرۋرگيا ورتالىعىنىڭ باسقارما توراعاسى يۋري پياعا قازان ايىنىڭ 24-ىندە وڭ جانە سول جاق قارىنشانى يمپلانتاتسيالاۋ بويىنشا وتكىزىلگەن وتا ءۇشىن العىس ايتامىز. ءسىزدىڭ وتاندىق مەديتسيناعا ءسىڭىرىپ جاتقان ولشەۋسىز ەڭبەگىڭىز, جوعارى كاسىبيلىگىڭىز بەن شەبەرلىگىڭىز ءبىر بولەك, جانىڭىزدان توگىلگەن شۋاقتىڭ ءوزى ناۋقاستىڭ ايىعۋىنا ۇلكەن سەپ بولادى دەپ ەسەپتەيمىز. وسىندا بولعان كۇندەردە ءبىز ءسىزدىڭ جانە ءوزىڭىز باسقارىپ وتىرعان ۇجىمنىڭ تەك جاقسى قىرلارىنا عانا كۋا بولدىق. ارقاشان دا ەڭبەكتەرىڭىزدىڭ جەمىسىن كورە بەرىڭىزدەر. قازاقستاننىڭ «ەڭبەك ەرى» اتاعىن الۋىڭىز دا سول جەمىستى ەڭبەكتىڭ ناتيجەسى دەپ ويلايمىز. جاڭا جىل مەرەكەسى قۇتتى بولسىن! وزىڭىزگە جانە تۋىستارىڭىز بەن جاقىندارىڭىزعا ۇزاق عۇمىر تىلەيمىز!
الەكساندر ونوپريەنكو,
ليۋبوۆ ونوپريەنكو.
قىمباتتى يۋري ۆلاديميروۆيچ!
ۇلىم مانداەۆ قايراتقا كورسەتكەن كومەگىڭىز ءۇشىن وتباسىمنىڭ اتىنان العىس ايتۋدى ءجون كورىپ وتىرمىن. ۇلىم مامىردىڭ 12-سىندە سانيتارلىق اۆياتسيا كومەگىمەن اقتوبە قالاسىنان استاناداعى ءسىز باسقاراتىن ورتالىققا اۋىر جاعدايدا جەتكىزىلگەن بولاتىن. ونى اجالدان اراشالاپ قالۋ ءۇشىن ۇلكەن ەڭبەك جاسادىڭىز. ءسىز تەك مەنىڭ بالاما عانا ەمەس, قولىڭىز تيگەن ناۋقاستاردىڭ بارلىعىنا دا جاقسىلىق جاساپ كەلەسىز. ارقاشان دا تابىستى بولىڭىز!
امانگەلدى مانداەۆ,
اقتوبە قالاسىنىڭ تۇرعىنى.
جۇبايىم ءادىلجان بايمەنگە جاسالعان وتانىڭ ءساتتى وتكەنى ءۇشىن ورتالىقتىڭ بۇكىل ۇجىمىنا وتباسىمنىڭ اتىنان العىس ايتامىن. ورتالىقتاعى بارلىق اۋرۋ جاندار جازىلىپ شىقسىن دەپ تىلەيمىن. ادامدار كۇندەرىن اۋرۋحانادا توسەككە تاڭىلىپ ەمەس, وزدەرىنە قىمبات جانداردىڭ قاسىندا ءوتكىزسىن. سول ءۇشىن وتباسىلىق بەرەكە مەن تىنىشتىق, ماحاببات پەن مەيىرىم اربىرىمىزگە دە جولداس بولسىن. ال سىزدەردىڭ جۇمىستارىڭىز العا باسا بەرسىن! ەلدىڭ العىسىن الا بەرىڭىزدەر!
بايمەنوۆتەر وتباسى.
ءبىز قازاقستاندا وسىنداي ورتالىقتىڭ بولعانى ءۇشىن قۋانامىز. وسىنداي ورتالىقتا ءسىز سەكىلدى ادامنىڭ جانە اينالاڭىزدا كىلەڭ تالانتتى دا تالاپتى, بىلىكتى جاستاردىڭ جۇرگەنى قانداي عانيبەت. ءسىز ءار ناۋقاستىڭ كەۋدەسىنە ءۇمىت وتىن تۇتاتىپ, كوپتەگەن ادامدارعا ءومىر سىيلاپ ءجۇرسىز. سول ءۇشىن سىزگە العىسىمدى ايتامىن. ەلىمىزدە ارقاشان تىنىشتىق بولسىن.
ميزام مۇحامبەتوۆ,
قوستاناي وبلىسىنىڭ تۇرعىنى, زەينەتكەر.
ۇلتتىق عىلىمي كارديوحيرۋرگيا ورتالىعىندا ەمدەلىپ شىقتىم. ورتالىق قىزمەتكەرلەرىنىڭ جۇمىسىنا كوڭىلىم تولدى. مەكەمەنىڭ جۇمىسى بۇدان دا ءوسىپ وركەندەي بەرسىن. يۋري ۆلاديميروۆيچ باستاعان بارلىق اق حالاتتى ابزال جاندارعا العىس ايتامىن. ەڭبەكتەرىنە ساتتىلىك پەن تابىس تىلەيمىن. جەكە ومىرلەرى باقىتقا تولى بولسىن!
نۇرگەلدى جەكسەمباەۆ.
