قازىرگى تاڭدا مەتروپوليتەننىڭ ءبىرىنشى جەلىسىنىڭ جۇمىس ىستەپ تۇرعان 9 مەترو ستانتسياسىنا قوسىمشا «سارىارقا», «دوستىق» جانە «قالقامان» ستانتسيالارى سالىنىپ جاتىر, بۇل جەلىنىڭ جالپى ۇزىندىعىن 10,3 شاقىرىمنان 15,9 شاقىرىمعا دەيىن, ال جولاۋشىلار اعىنىن تاۋلىگىنە 46 مىڭنان 93 مىڭ ادامعا دەيىن ارتتىرادى.
وسى جىلدىڭ سوڭىنا دەيىن «سارىارقا» جانە «دوستىق» ستانتسيالارىندا قۇرىلىس-مونتاجداۋ جۇمىستارىن اياقتاپ, تەحنيكالىق ىسكە قوسۋ جوسپارلانعان. 2022 جىلدىڭ I توقسانىنىڭ سوڭىنا دەيىن ىسكە قوسۋ-رەتتەۋ جۇمىستارىن اياقتاۋ جانە ستانتسيالاردى پايدالانۋعا بەرۋ كوزدەلگەن.
«قالقامان» ستانتسياسىندا قۇرىلىس-مونتاجداۋ جۇمىستارى باستالدى.
ۇكىمەت باسشىسى الماتى مەتروپوليتەنىنىڭ ءبىرىنشى جەلىسىنىڭ II كەزەگىن دامىتۋ بويىنشا جوسپارلانعان بارلىق جۇمىستىڭ ۋاقىتىلى جانە ساپالى اياقتالۋىن قامتاماسىز ەتۋدى تاپسىردى.
