قازاقستان • 02 شىلدە، 2021

قازاقستاندىقتار قۇران فايلدارىن جەرسەرىككە ورنالاستىردى

73 رەت كورسەتىلدى

قازاقستاندا تىركەلگەن Eurasian Space Ventures (ESV) جەكە كومپانياسى بيزنەستىڭ قاتىسۋىمەن الەمدىك عارىش جوبالارىنىڭ ورتالىعى بولۋدى جوسپارلاپ وتىر. بۇل كەۋدەمسوقتىق ەمەس. جاقىندا عانا ESV بىردەن ەكى عارىشتىق باستاماسىن جاريا ەتتى، ولار تسيفرلىق قاۋىپسىزدىككە عانا ەمەس، سونىمەن بىرگە بىلىمگە قول جەتكىزۋ شەڭبەرىن كەڭەيتە الادى. ەكى جوبا دا ايگىلى كاسىپكەر جانە جاڭالىققا قۇشتار يلون ماسك SpaceX Falcon 9 زىمىرانىنىڭ بورتىندا جۇزەگە اسىرىلدى.

عارىشتاعى كريپتوبيرجا

Biteeu پلاتفورماسى (ESV باقىلاۋىنداعى جانە باسقارۋىنداعى) كريپتوۆاليۋتا الماسۋ بويىنشا الەمدەگى العاشقى عارىش بيرجاسى بولماق. Biteeu بىرلەسكەن باعدارلاما بويىنشا Falcon 9 بورتىندا تسيفرلىق قاۋىپسىزدىك ينفراقۇرىلىمىن ويداعىداي ىسكە قوستى. SpaceChain جاساعان عارىشتىق توراپتىق مودۋل زىمىرانمەن تاسىمالداناتىن YAM-2 جەرسەرىگىنە ورناتىلدى. جەرسەرىكتەردى باسقارۋ وپەراتورى loft Orbital ستارتاپى بولىپ تابىلادى.

الداعى كۇزدە ىسكە قوسىلعاننان كەيىن عارىش تورابى Bitcoin ترانزاكتسيالارىن عارىشتان مۋلتيقولتاڭبا كومەگىمەن وڭدەيتىن بولادى. بۇل تەحنولوگيا ءبىر قولتاڭبالى ستاندارتتى ادىستەرگە قاراعاندا ترانزاكتسيانى قاۋىپسىز ەتەتىن كريپتواميان مەكەنجايىنان ترانزاكتسيانى اۆتوريزاتسيالاۋعا ارنالعان بىرەۋدەن ارتىق جابىق كىلتتى تالاپ ەتەدى.

تسيفرلىق ۆاليۋتالاردىڭ تانىمالدىلىعى ارتقان سايىن ولاردى پايدالانۋ قاۋىپسىزدىگىنىڭ ماسەلەسى وزەكتى بولىپ كەلەدى. "يننوۆاتسيالىق ورتالىقتاندىرىلماعان عارىشتىق تەحنولوگيانىڭ كومەگىمەن ءبىز قاۋىپسىزدىكتەگى وسالدىقتى جويىپ، ينستيتۋتسيونالدىق جانە بولشەك ترەيدەرلەردىڭ ءوز قاراجاتتارىن ەڭ ۇزدىك ساۋدا جاساۋ تاجىريبەسىمەن باسقارۋعا دەگەن سەنىمىن ۇنەمى نىعايتا الامىز" -دەپ ءتۇسىندىردى Biteeu نەگىزىن تەڭ قالاۋشى جانە ديرەكتورلار كەڭەسىنىڭ توراعاسى شۋحرات يبراگيموۆ. 

اپپاراتتىق جانە باعدارلامالىق جاساقتاما سىناقتارى 2021 جىلدىڭ قاراشا ايىندا اياقتالادى دەپ كۇتىلۋدە. وسىدان كەيىن Biteeu پايدالانۋشىلارى، ونىڭ ىشىندەگى تمد ەلدەرىندە، عارىشتا مۋلتيقولتاڭباسى بار ءاميان ارقىلى Bitcoin ترانزاكتسيالارىن اۆتوريزاتسيالاي الادى. بۇل دەرەكتەر مەن وپەراتسيالاردىڭ قۇپيالىلىعىن اسا قاۋىپسىز تۇردە قامتاماسىز ەتۋگە مۇمكىندىك بەرەدى. مۇنداي فۋنكتسيانى قوسۋ جانە Biteeu-ءدىڭ Bittrex ارقىلى بىرنەشە ميلليوندىق وتىمدىلىكتى ءبولىسۋى ءىرى ينستيتۋتسيونالدى ينۆەستورلاردى تارتۋعا جانە ترانزاكتسيا كولەمىنىڭ ايتارلىقتاي وسەتىندىگىنە يەك ارتۋعا مۇمكىندىك بەرەدى.

بۇگىنگى تاڭدا كريپتوبيرجانىڭ ەۋروپالىق وداق پەن اۆستراليادا ليتسەنزيالارى بار، بىراق Biteeu الەمدىك كريپتوقاۋىمداستىققا ەڭ قاۋىپسىز، يننوۆاتسيالىق جانە سەنىمدى ساۋدا پلاتفورماسىن ۇسىنۋ مۇمكىندىگىن ىزدەپ جاتقانىن جاسىرمايدى. كومپانيا نەگىزىن قالاۋشىلاردىڭ ءبىرى جانە باس ديرەكتورى تالعات دوسانوۆتىڭ ايتۋىنشا، بۇل جوبا پايدالانۋشىلار ءۇشىن دەرەكتەردى قورعاۋدىڭ جوعارى دەڭگەيىن قامتاماسىز ەتۋ جانە كريپتوۆاليۋتا نارىعىنداعى قاۋىپسىزدىك ستاندارتتارىن جەتىلدىرۋ يدەياسىنا نەگىزدەلگەن.

Spacebiteeu2021 پروموكودىن پايدالانىپ Biteeu جوباسىنا تىركەلەتىن پايدالانۋشىلار وزدەرىنىڭ اتى مەن كريپتوۆاليۋتا ءامياندارى عارىش جوباسىنا قوسىلعانىن جانە وربيتاداعى Biteeu عارىش تورابىنا قاۋىپسىز جولمەن جىبەرىلگەنىن راستايتىن سەريالىق ءنومىرى بار سەرتيفيكاتتى الادى.

قايىرىمدى جاھان

Eurasian Space Ventures ەكىنشى عارىشتىق جوباسى Divine (اعىلشىن تىلىنەن اۋدارعاندا "جاراتۋشى") قوعامدىق جوباسىمەن بايلانىستى. ونى قازاقستاندىق كاسىپكەر شۋحرات يبراگيموۆ نەگىزىن قالاعان I am PART OF جاھاندىق قايىرىمدىلىق قورى ىسكە قوسقان بولاتىن.

Divine - قاسيەتتى قۇراننىڭ ىلىمدەرىن، "ساحيح ال-بۋحاري" شىنايى حاديستەر جيناعىن، ناماز وقۋدى، سونداي-اق دۇعالار جيناعىن جانە باسقا دا ءتيىستى ماتەريالداردى تولىق ءتۇسىنۋدى قامتاماسىز ەتەتىن ءبىلىم بەرۋ پلاتفورماسى. سونىمەن قاتار بۇل -قاسيەتتى قۇراندى تىكەلەي ءسىزدىڭ ۇستىڭىزدەن ۇشىپ جۇرگەن جەرسەرىكتەن تاراتۋ ءۇشىن عارىشتىق تەحنولوگيانى پايدالاناتىن الەمدەگى جالعىز جوبا.

Divine ءۇشىن اۋديو جانە مۋلتيمەديالىق فايلدار SpaceX Falcon 9 زىمىرانىنىڭ بورتىنان عارىشقا جول تارتقان YAM-2 جەرسەرىگىنە جۇكتەلدى. 

ء"بىزدىڭ ماقساتىمىز - قۇران جانە ءدىن نەگىزدەرى تۋرالى كوبىرەك بىلگىسى كەلەتىن بۇكىل الەمدەگى ادامدارعا يسلام تۋرالى سەنىمدى جانە قولجەتىمدى اقپارات ۇسىنۋ"، - دەيدى شۋحرات يبراگيموۆ.

وربيتادا ويداعىداي ىسكە قوسىلعان جاعدايدا، وسى جىلدىڭ قاراشا ايىندا قۇران فايلدارى عارىشتان Divine رەسمي سايتى جانە Divine Live قوسىمشاسى سياقتى بىرنەشە پلاتفورمالارعا تاراتىلاتىن بولادى. ايتپاقشى، ولاردىڭ كومەگىمەن پايدالانۋشىلار جەرسەرىكتىڭ ورنالاسقان جەرىن ناقتى ۋاقىت رەجيمىندە كورە الادى.  

سونداي-اق مۋلتيمەديالىق فايلداردى بۇكىل الەم بويىنشا ينتەرنەتكە قولجەتىمدىلىگى شەكتەۋلى اۋىلدىق جەرلەردە ورنالاسقان ارنايى قۇرلىق ستانتسيالارىندا ورناتىلعان قابىلداعىشتارعا تاراتۋ جوسپارلانۋدا.

پايدالانۋشىلار قۇراننىڭ قاسيەتتى ماتىنىنە، سونداي-اق تولىق اۋديو جانە ماتىندىك سيپاتتامالارعا جانە ءىلىمنىڭ ءارتۇرلى تىلدەردەگى تۇسىندىرمەلەرىنە قول جەتكىزە الادى. ERG تاۋ-كەن مەتاللۋرگيا كورپوراتسياسى مەن ەۋرازيالىق بانكتىڭ ديرەكتورلار كەڭەسىنە كىرەتىن شۋحرات يبراگيموۆ اتالعان قوعامدىق جوبانى باسقا دىندەردى ۇستاناتىن ادامدار ءۇشىن دە دامىتۋعا تىرىساتىنى تۋرالى مالىمدەدى.

زاماناۋي عارىشتىق تەحنولوگيالار كومەگىمەن ءبىز بۇكىل الەم بويىنشا ادامداردى كەڭىنەن قامتۋ ءۇشىن قۇرلىق ينفراقۇرىلىمىنىڭ شەكتەۋلەرىنە قارسى تۇرامىز، بىرەگەي جوبالاردى جاساپ قانا قويماي، الەمدى ىزگىلەندىرەمىز.

Eurasian Space Ventures عارىشتىق جوبالاردى ودان ءارى جۇزەگە اسىرۋدى جوسپارلاپ وتىر. ESV جانە SpaceChain ەكى جىل ىشىندە عارىشتىق تەحنولوگيالار سالاسىنداعى ىنتىماقتاستىق پەن بىرلەسكەن جوبالاردى ودان ءارى دامىتۋ ءۇشىن ءوزارا تۇسىنىستىك تۋرالى مەموراندۋمعا قول قويۋدى اياقتالعانى بەلگىلى بولدى.

 

سوڭعى جاڭالىقتار

دوللار ارزاندادى

قارجى • بۇگىن، 16:22

شىمكەنتتە دە LRT سالىنۋى مۇمكىن

ايماقتار • بۇگىن، 12:50

دوللار باعاسى تاعى قىمباتتادى

ەكونوميكا • بۇگىن، 10:32

ۇقساس جاڭالىقتار