«ەكى اي بويى جيھازىمىزدى كۇتتىك. جيھاز دا, اقشا دا جوق. مەنىڭ قولىما جەتپەگەن جيھاز ءۇشىن اي سايىن 42 مىڭ تەڭگە تولەۋگە ءماجبۇرمىن. جەڭىلدىك ىزدەپ, الاياققا تاپ بولدىق», دەيدى اقتاۋ تۇرعىنى جادىرا وتەنوۆا.
ول 405 مىڭ تەڭگەگە نەسيە راسىمدەپ, اس ءۇي گارنيتۋراسىنا تاپسىرىس بەرگەن.
وتەنوۆامەن بىرگە جيھاز سالونىندا جالپى سوماسى 20 ميلليون تەڭگەدەن اساتىن 20-عا جۋىق ادام جيھازعا تاپسىرىس بەرگەن. بىرەۋلەرى قولما-قول اقشامەن تولەسە, باسقالارى بانك ارقىلى اۋدارىمدار جاساعان.
«اقتاۋ پوليتسيا باسقارماسىنا الاياقتىق ءىس-ارەكەتتەر فاكتىسى بويىنشا بىرقاتار ءوتىنىش ءتۇستى. كاسىپكەر جيھازدى ۋاقىتىندا جاساۋعا ۋادە بەرىپ, بىراق تاپسىرىستاردىڭ قۇنىن العاننان كەيىن ۋادەسىن ورىنداماعان. جەدەل ىزدەستىرۋ ءىس-شارالارى بارىسىندا پوليتسيا قىزمەتكەرلەرى كۇدىكتىنىڭ كىم ەكەنىن انىقتادى. قازىرگى ۋاقىتتا بۇل ازاماتتى ۇستاۋ شارالارى جۇرگىزىلۋدە», دەدى ماڭعىستاۋ وبلىسى پد ءباسپاسوز حاتشىسى ايگەرىم يباتۋللاەۆا.
كاسىپكەردىڭ بۇعان دەيىن دە الاياقتىق ءۇشىن جاۋاپقا تارتىلعانى انىقتادى. ەندى جاڭا ءىس بويىنشا ەر ادامنىڭ مۇلكى تاركىلەنىپ, جەتى جىلعا دەيىن باس بوستاندىعىنان ايىرىلۋى مۇمكىن.
