قوعام • 02 شىلدە، 2021

تۇتىنۋشىدان تۇسكەن شاعىم كوپ

71 رەت كورسەتىلدى

جاسىراتىنى جوق، ەل تۇرعىندارىنىڭ تۇتىنۋشىلىق قۇقىعى كۇن سايىن بۇزىلادى. وكىنىشتىسى، مۇنداي جاعداي بارلىق جەردە قايتالانادى. سونىڭ سالدارىنان تاۋارلار مەن قىزمەتتەردىڭ ساپاسىزدىعىنا بايلانىستى تۇسكەن شاعىمدار سانى دا ارتىپ كەلەدى.

ماسەلەن، بۇگىندە ەل ازامات­تارى وزدەرىنىڭ تۇتىنۋشى رە­تىندە قورعالۋ دەڭگەيىنە 67 پايىز­عا عانا قاناعاتتانادى ەكەن. وسى­دان-اق كوڭىلگە كىربىڭ تۇسىرەر جايت­­تاردىڭ كوپ ەكەنىن اڭعارۋعا بولادى.

تۇتىنۋشىلاردىڭ قۇقىق­تارىن قورعاۋ كوميتەتى تاراتقان رەسمي مالىمەتكە سۇيەنسەك، 2020 جىلى ۆەدومستۆوعا 21 مىڭعا جۋىق تۇتىنۋشى جۇگىنگەن. بۇل 2019 جىلمەن سالىستىرعاندا 3،5 ەسە كوپ. ال باسقا مەملەكەتتىك ورگاندارعا 49 مىڭعا جۋىق ادام جۇگىنىپ، ادىلدىك سۇراعان. وسى ورايدا 2019 جىلعى كورسەتكىش 30 مىڭ ادامدى قۇراعان ەكەن.

2021 جىلدىڭ بەس بەس ايىن­داعى كورسەتكىشتەر دە ءماز ەمەس. قاڭتار-مامىر ارالىعىندا 6 مىڭ­نان استام ءوتىنىش كەلىپ تۇس­كەن. ستاتيستيكا تۇتىنۋشىلار قۇقىعىنىڭ بۇزىلۋ دەڭگەيى جوعارى ەكەنىن كورسەتىپ وتىر. بۇل تۋرالى تۇتىنۋشىلاردىڭ قۇقىقتارىن قورعاۋ جونىندەگى ۆەدومستۆوارالىق كەڭەستىڭ وتىرىسىندا تۇتىنۋشىلاردىڭ قۇقىق­تارىن قورعاۋ كوميتەتىنىڭ توراعاسى اسقار تىنىسبەكوۆ مالىمدەدى.

ا.تىنىسبەكوۆتىڭ ايتۋىنشا، قازاقستاندىقتاردى جىل سايىن نەسيە ۇيىمدارىنىڭ، لومباردتاردىڭ، ايىرباستاۋ پۋنكتتەرىنىڭ تەرىس ءىس-ارەكتتەرىنە بايلانىستى ماسەلەلەر مازا­لاي­دى. ياعني كەلىپ تۇسكەن وتىنىش­تەردىڭ 68 پايىزى قارجى قىز­مەتتەرىنە قاتىستى بولىپ وتىر.

بۇدان كەيىن وتىنىشتەردىڭ كوپ بولىگى كولىك قىزمەتتەرى سالاسىنا باعىتتالعان، ياعني 12 پايىز. تۇتىنۋشىلار پايدالانىلماعان قىزمەتتەر ءۇشىن اقشالاي قارا­جاتتى قايتارۋدان باس تارتۋ، قوعامدىق كولىكپەن تاسىمالداۋ ەرەجەلەرىن بۇزۋ سەكىلدى ماسەلەلەرمەن بەتپە-بەت كەلگەن.

مەديتسينالىق قىزمەتتەر سالاسىنداعى شاعىمدار سانى دا ەكى ەسە ارتقان. وتىنىشتەردىڭ 3 پايىزى وسى سالاعا تيەسىلى. ازاماتتار ءدارى-دارمەك پەن مەدي­تسينالىق بۇيىمداردىڭ جەتىس­پەۋشىلىگىن سەزىنۋدە. سون­داي-اق مەديتسينالىق مەكەمە­لەر­دە كەزەك ماسەلەسى وتكىر تۇر. بۇدان بولەك كارانتيندىك شارالار ساقتالمايدى. وكىنىشتىسى، شاعىمدار ءتىزىمى مۇنىمەن اياق­تال­مايدى.

بايلانىس قىزمەتتەرىنە شا­عىم ايتۋشىلار دا بار ەكەن. كەلىپ تۇسكەن وتىنىشتەردىڭ 3،2 پايى­زى ابونەنتتىك تولەمدى زاڭ­سىز الۋ، ينتەرنەت قىزمەتتەرىن سا­پا­­سىز ۇسىنۋ، تاريفتىك جوس­پار قۇنى­نىڭ ءوسۋى سەكىلدى ماسە­لە­لەرگە باي­لانىستى كەلىپ تۇس­كەن.

– 2021 جىلى ساتۋشى مەن ساتىپ الۋشى اراسىنداعى داۋلاردى ءتيىمدى شەشۋ ءۇشىن «ە-tutynushy» اقپاراتتىق جۇيەسى ىسكە قوسىلدى. جۇيە شاعىمداردى ء«بىر تەرەزە» قاعيداتى بويىنشا قابىلدايدى. «ە-tutynushy» تۇتىنۋشىلاردىڭ قۇقىقتارىن قورعاۋ شارالارىن ءبىر جەردە شوعىرلاندىرۋعا، شاعىم­داردى دايىنداۋ جانە ولاردى قۇزىرەتتى ورگاندارعا جىبەرۋ راسىمدەرىن جەڭىلدەتۋگە جانە ارزانداتۋعا باعىتتالعان، – دەيدى اسقار تىنىسبەكوۆ.

«ە-tutynushy» بارلىق ءوتى­نىش­ى جانە ولاردى قاراۋ ناتي­جەلەرىن تسيفرلاندىرۋعا مۇم­كىندىك بەرەدى. سونداي-اق جۇيە كاسىپكەرلەردىڭ تۇتىنۋ­شى­لارمەن تۋىنداعان داۋلاردى ءوز بەتىنشە، ونىڭ ىشىندە سوت­قا دەيىنگى تارتىپپەن شەشۋگە ار­نالعان.

ەسكە سالا كەتەيىك، تۇتىنۋشى­لاردىڭ قۇقىقتارىن قورعاۋ جۇيەسىن جاقسارتۋ ماقساتىندا تۇ­تىنۋ قۇقىقتارىن قورعاۋدىڭ ءبىرتۇتاس جۇيەسىن قۇرۋعا باعىتتالعان ءىس-شارالار جوس­پارى ىسكە اسىرىلۋدا. بۇل ءىس-قيمىل ستراتەگياسى تۇتىنۋ نارىعىنىڭ قۇقىقتىق ورتاسىن ەداۋىر جاقسارتادى دەگەن سەنىم بار.

 

سوڭعى جاڭالىقتار

شابىت شاقىراتىن شاھار

ەلوردا • بۇگىن، 08:23

اقجايناق استانا

ەلوردا • بۇگىن، 08:22

وزىق ءوندىرىس ورنىندا بولدى

ايماقتار • بۇگىن، 08:20

باعدارىڭ قالاي، باس قالا؟

ەلوردا • بۇگىن، 08:17

ديماش پەن دجەكسون

ونەر • بۇگىن، 08:10

ۇتقانىمىز شامالى بولىپ تۇر

قوعام • بۇگىن، 08:05

ەگىزدەر فەستيۆالى

قوعام • بۇگىن، 08:00

ۇقساس جاڭالىقتار