وسىعان وراي پرەزيدەنتتىڭ ءباسپاسوز حاتشىسى بەرىك ءۋالي Faسebook-تەگى پاراقشاسىندا: «بۇگىن پرەزيدەنت قاسىم-جومارت توقاەۆ قول قويعان قازاقستان رەسپۋبليكاسىنىڭ جاڭا اكىمشىلىك راسىمدىك-پروتسەستىك كودەكسى كۇشىنە ەندى.
كودەكس مەملەكەت پەن قوعام اراسىنداعى قاتىناستاردىڭ پاراديگماسىن تۇبەگەيلى وزگەرتەدى. ازاماتتاردىڭ قۇقىعى مەن بيزنەستى قورعاۋدىڭ جاڭا مەحانيزمدەرى ەنگىزىلەدى. اكىمشىلىك ورگانداردىڭ ۇستىنەن جازىلاتىن تالاپ-ارىزدار ەندى «اكىمشىلىك ورگانداردىڭ كىنالى-كىنالى ەمەستىگىن ايقىنداۋ» قاعيداتى نەگىزىندە قاراستىرىلادى. بۇل رەتتە, ارىز بەرۋشى ەمەس, اكىمشىلىك ورگان ءوز شەشىمىنىڭ دۇرىستىعىن سوت الدىندا دالەلدەۋگە ءتيىس. سىرعىتپا جاۋاپتار مەن اۋرە-سارساڭعا سالۋ ارەكەتتەرى ءۇشىن اكىمشىلىك ورگاندار عانا ەمەس, شەشىم قابىلداعان تۇلعالار دا جاۋاپ بەرەتىن بولادى.
بۇل قۇجات «حالىق ۇنىنە قۇلاق اساتىن مەملەكەت» تۇجىرىمداماسىن جۇزەگە اسىرۋدىڭ ماڭىزدى قۇرالىنا اينالادى», دەپ جازدى.
