قوعام • 01 شىلدە، 2021

ەندى جۇرگىزۋشىلەر جىلدامدىق شەكتەۋلەرىنە شاعىمدانا الادى

1 شىلدەدەن باستاپ قازاقستاندا جاڭا اكىمشىلىك راسىمدىك-پروتسەستىك كودەكس (اوك) كۇشىنە ەنەدى. ادىلەت ۆيتسە-ءمينيسترى ناتاليا پان جاڭا كودەكس قازاقستاندىقتاردى قالاي قورعايتىنىن ءتۇسىندىردى، دەپ حابارلايدى Egemen.kz.

بوتاكوز باقبەرگەن

«اكىمدىك جەكەلەگەن ۋچاسكەلەردە، كوبىنەسە قالا شەگىندە جىلدامدىقتى شەكتەيدى، بۇل رەتتە نقا-دا قالاداعى جىلدامدىق رەجيمى جونىندەگى اقپارات جازىلماعان. پروپورتسيونالدىلىق قاعيداتى سوتقا جىلدامدىقتى شەكتەۋ ماسەلەسىن شەشۋ ءۇشىن قانشالىقتى جارامدى، قاجەتتى جانە پروپورتسيونالدى ەكەنىن تەكسەرۋگە مۇمكىندىك بەرەدى»، دەپ حابارلادى ول وكق بريفينگىندە.

ناتاليا پاننىڭ ايتۋىنشا، بيلىك باسقارۋشىلىق شەشىمدەر قابىلداعان كەزدە ازاماتتارمەن كەرى بايلانىستى قامتاماسىز ەتەتىن راسىمدىك كەپىلدىكتەر بەكىتەتىن بولادى. ازاماتتىڭ سوڭعى شەشىم قابىلدانعانعا دەيىن تىڭدالۋ كەپىلدىگى بۇعان مىسال بولا الادى.

«ەلدى مەكەندەردەگى قوزعالىس جىلدامدىعى اكىمدىكتەرمەن ەمەس، «جول قوزعالىسى تۋرالى» زاڭمەن جانە جقە-مەن شەكتەلگەن. اكىمدىكتەر بولسا جىلدامدىق شەكتەلۋى، ال ءبىر جەردە رۇقسات ەتىلۋى ءتيىس قانداي دا ءبىر كوشەلەردىڭ ۋچاسكەلەرىن عانا ايقىندايدى. ياعني، ولار جىلدامدىقتى ەمەس، وسى جىلدامدىق شەكتەۋلەرى قولدانىلاتىن ۋچاسكەلەردى انىقتايدى»، دەپ ءتۇسىندىردى جوعارعى سوتتىڭ اكىمشىلىك ىستەر جونىندەگى سوت القاسىنىڭ توراعاسى قانات مۋسين.

سونداي-اق ول بيلىكتىڭ جول بەلگىسىن نەمەسە جىلدامدىق رەجيمىن ورناتۋ تۋرالى شەشىمدەرى ازامات قۇقىقتارىن شەكتەيدى دەپ سانالسا، كەز كەلگەن ازامات بۇعان شاعىمدانا الاتىنىن دا اتاپ ءوتتى.

«بۇل جاعدايدا مامانداندىرىلعان اۋدانارالىق اكىمشىلىك سوتقا نەمەسە تۇرعىلىقتى جەرى بويىنشا مامانداندىرىلعان اكىمشىلىك سوتقا جۇگىنۋ قاجەت. ەگەر جەرگىلىكتى جەردە اكىمشىلىك سوت بولماسا، وندا ول تۇرعىلىقتى جەرى بويىنشا جالپى يۋريسديكتسيا سوتىنا جۇگىنە الادى. بۇل شارتتاردىڭ بارلىعى اكىمشىلىك راسىمدىك-پروتسەستىك كودەكستىڭ 102 جانە 106 - باپتارىندا بار»، دەپ ناقتىلادى مۋسين.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز