سۋرەتتەردى تۇسىرگەن اۆتور
– «Batyrs Battle» ەلىمىزدىڭ ءتورت قالاسىندا – وسكەمەندە, اقتوبەدە, تۇركىستاندا جانە نۇر-سۇلتاندا وتەدى. كۇنى كەشە شىعىستىڭ باس شاھارىندا جارىس الاۋى جاعىلدى. ءساتىن سالسا, قاجىمۇقان, بالۋان شولاق اينالىسقان جاتتىعۋدى حالىق اراسىندا ناسيحاتتاعىمىز كەلەدى. بابالارىمىزدىڭ بىلەك كۇشتەرىن بۇگىنگى ۇرپاق سەزىنسى ەكەن, – دەپ ءوز ويىمەن ءبولىستى مادەنيەت جانە سپورت مينيسترلىگىنىڭ امباسسادورى سەرگەي تسىرۋلنيكوۆ.
ەلىمىزدە بۇرىن-سوڭدى ۇيىمداستىرىلماعان ەرەكشە جوباعا قاتىسامىز دەپ كەلگەن جىگىتتەر دە تەپسە تەمىر ۇزەردەي ەكەن. ولاردىڭ ىشىندە حالىقارالىق دارەجەدەگى سپورت شەبەرلەرى دە بولدى.
دەيتۇرعانمەن, قاجىمۇقان اينالىسقان سپورت ولار ءۇشىن وڭايعا سوقپادى. ءار ءتۇرلى سالماقتاعى قاپتاردى, زىلدەي تاستى كوتەردى. جۋان تەمىردى مايىستىرىپ كوردى. بىلەكتەگى بۇلشىق ەتتەرى ويناپ تۇرعانىمەن, قاپ كوتەرە الاماي سان سوعىپ جۇرگەندەردى دە كوردىك.
سۇڭعاق بوي, كەڭ يىق بولعانىمەن, بەلدەسۋدە السىزدىك تانىتقاندار دا ءجۇردى.
ءار ءبولىمنىڭ اراسىندا قاجىمۇقاننىڭ بالۋاندىعىن ناسيحاتتاپ جۇرگەن سەرگەي تسىرۋلنيكوۆ تە تەمىر يلەپ, تاقتايعا شەگە قاعىپ, ءوز ونەرىن ورتاعا سالدى. سەرگەيدەي ۇلدىڭ باتىر بابامىزدى ناسيحاتتاپ جۇرگەنىنە كوپشىلىك كورەرمەن شىن ريزاشىلىعىن ءبىلدىردى.
جارىس اراسىندا كورەرمەندەر دە بىلەك كۇشتەرىن سىناپ كوردى. بىراق, 24 كەلىلىك قىلىشتى تىك تۇرىپ كوتەرۋگە اركىمنىڭ شاماسى جەتە بەرمەدى.
بالۋاندار قاجىمۇقان بابالارىنداي اۋىر تاسپەن دە الىستى.
سونىمەن, «Batyrs Battle» سايىسىندا كۇش سىناسقان ماكسيم وسيپوۆ, الەكساندر نيكيتين, رومان كاۋنوۆ, ەۆگەني ەپيفانوۆ, اندرەي ليۋتوۆسكي سىندى بالۋانداردىڭ ىشىنەن باسىم تۇسكەن گرەك-ريم كۇرەسىنەن سپورت شەبەرى سالاۋات احمەتقالي بولدى. ۇيىمداستىرۋشى سەرگەي تسىرۋلنيكوۆتىڭ ايتۋىنشا, «Batyrs Battle» سايىسىنىڭ نۇكتەسى تامىز ايىندا نۇر-سۇلتان قالاسىندا قويىلادى.
