الماتى پوليتسيا دەپارتامەنتىنىڭ تەرگەۋ باسقارماسى الاياقتىق جاسادى دەگەن كۇدىكپەن 29 جاستاعى ازامات م.-عا قاتىستى قىلمىستىق ءىس جۇرگىزۋدى اياقتادى.
«سوتقا دەيىنگى تەرگەۋ بارىسىندا كۇدىكتىنىڭ OLX.kz سايتىنىڭ قولدانۋشىلارىنا قاتىستى 78 الداۋ فاكتىسىنە قاتىسى بار ەكەندىگى انىقتالدى. فيشينگ ءادىسىن قولدانا وتىرىپ, OLX.kz سايتىنا ۇقساس سەنىمسىز سىلتەمەلەردى جىبەرىپ, كۇدىكتى جابىرلەنۋشىلەرگە, ەگەردە بەرىلگەن سىلتەمەلەر بويىنشا وزدەرىنىڭ بانكتىك مالىمەتتەرىن تولتىرعان جاعدايدا, تاۋارلار ءۇشىن تولەم الا الاسىندار دەپ سەندىرگەن. كۇدىكتىنىڭ ايتۋىنشا, تاۋارلاردى كۋرەرلەر الىپ كەتۋى كەرەك بولعان. الايدا جابىرلەنۋشىلەردىڭ كارتالارىنىڭ دەرەكتەرىن العان م.ەسىمدى ەر ادام, «Wooppay.kz» تولەم جۇيەسى ارقىلى ولاردىڭ قاراجاتتارىن ءوزىنىڭ بانكتىك كارتالارىنا اۋدارعان. جالپى ول ازاماتتارعا 2,5 ملن تەڭگە كولەمىندە ماتەريالدىق شىعىن كەلتىرىلدى», دەدى الماتى پوليتسيا دەپارتامەنتى باستىعىنىڭ ورىنباسارى رۋستام ءابدىراحمانوۆ.
قازىر ءىس بويىنشا تەرگەۋ اياقتالعان.
