قۇجات بويىنشا بىرجولعى زەيتەاقى تولەمىن الۋشى شەتەلدە ەمدەلۋگە نيەتتەنسە, ۋاكىلەتتى وپەراتوردان شەتەل ۆاليۋتاسىندا ارنايى شوت اشۋى قاجەت. ال بىرىڭعاي جيناقتاشۋى زەينەتاقى قورىنان قارجى تەڭگەمەن الىناتىندىقتان, ۇلتتىق ۆاليۋتادا تاعى ءبىر ارنايى شوت اشىلادى. بۇدان كەيىن دارىگەرلىك كوميسسيانىڭ قورىتىندىسى نەگىزىندە شەتەلدىك ۇيىم كورسەتكەن مەديتسينالىق قىزمەتتىڭ ورىندالعانىن راستايتىن قۇجاتتى ۋاكىلەتتى وپەراتورعا ۇسىنادى.
شەتەل ۆاليۋتاسىندا ارنايى شوت وسى كەزدە قاجەت. 10 جۇمىس كۇنى ىشىندە ۇسىنىلعان قۇجاتتاردى قاراپ, بىرجولعى تولەمدى اۋدارۋ نەمەسە اۋدارماۋ تۋرالى شەشىم شىعارىلادى. زەينەتاقى جيناعىن پايدالانۋشى دارىگەرلىك كوميسسيانىڭ قورىتىندىسىن العاننان كەيىن, ەم الاتىن شەتەلدىك ۇيىمدى تاڭدايدى. ۇيىم ەمدەلۋشىمەن مەديتسينالىق قىزمەتتەر كورسەتۋ تۋرالى شارت جاساسىپ, تولەم شوتىنىڭ سكانەرلەنگەن نۇسقاسىن, تولەم شوتىن جانە ۋاكىلەتتى وپەراتوردىڭ ينتەرنەت-رەسۋرسىنداعى ءوزىنىڭ جەكە كابينەتىندە دارىگەرلىك كوميسسيا قورىتىندىسىن الادى. مينيسترلىك تالقىلاۋعا شىعارعان بۇيرىق جوباسىنداعى نەگىزگى جاڭالىق – بۇعان دەيىن الىنعان ەمدىك ارالاردىڭ اقىسىن بىرجولعى زەينەتاقى تولەمى ارقىلى وتەۋگە رۇقسات بەرۋ.
ول ءۇشىن جيناق يەس ءوزى تىركەلگەن جەردەگى مەديتسينالىق ۇيىمعا جۇگىنىپ, العان ەمدىك شارالارى تۋرالى دارىگەرلىك كوميسسيانىڭ قورىتىندىسىن بەرۋدى وتىنەدى. ەگەر ەم قازاقستان اۋماعىندا الىنعان بولسا, ناۋقاستىڭ مەديتسينالىق كارتاسىنان ءۇزىندى كوشىرمە تالاپ ەتىلەدى. ال ەم شەتەلدە الىنسا: اۋرۋ تاريحىنان جازىپ بەرۋ ەپيكريزىنىڭ كوشىرمەسى نەمەسە مەديتسينالىق ۇيىم مەن الۋشى اراسىندا جاسالعان مەديتسينالىق قىزمەتتەر كورسەتۋ تۋرالى شارت نەمەسە ساتۋشى مەن الۋشى اراسىندا جاسالعان دارىلىك زاتتاردى ساتىپ الۋعا ارنالعان شارت دەرەكتەمەلەرىن, شوت شەت تىلىندە جاسالعان جاعدايلاردا نوتاريات كۋالاندىرعان اۋدارماسىن قوسا بەرۋ كەرەك.
بۇل رەتتە الىنعان مەديتسينالىق قىزمەتتەر مەن ساتىپ الىنعان دارىلىك زاتتار 2021 جىلعى 1 قاڭتاردان باستاپ تۋىنداعان قاتىناستارعا قولدانىلادى. تاعى ءبىر جاڭاشىلدىق – بالالاردى اتا-اناسىنىڭ بىرجولعى زەنەتاقى تولەمىنىڭ ەسەبىنەن ەمدەۋگە مۇمكىندىك بەرۋ. قۇجاتتى تالقىلاۋ 15 شىلدەگە دەيىن جالعاسادى.
