«استانا» كلۋبىنىڭ مۇشەلەرى اراسىندا اندرەي لۋتسەنكونىڭ قارقىنى قۋانتارلىق. كۇن وتكەن سايىن كورسەتكىشىن جاقسارتىپ كەلە جاتقان ول بۇل جولى 10-ورىندى يەلەندى. شانجە مەن لاۆال قالالارى ارالىعىن قامتىعان 27,2 شاقىرىمدىق قاشىقتىقتا توپ جارعان سلوۆەنيالىق تادەي پوگاچاردان (UAE-Team Emirates) جەرلەسىمىز نەبارى ءبىر مينۋت قانا قالىپ قويدى. جەڭىمپازدىڭ ۋاقىتى – 0:32:00. وسى جىلدامدىعىنىڭ ارقاسىندا لۋتسەنكو جالپى ەسەپتە بەسىنشى ورىنعا كوتەرىلدى.
«تۋر دە فرانستىڭ» بەسىنشى كەزەڭىنەن كەيىن نيدەرلاندتىق ماتە ۆان دەر پۋل («Alpecin-Fenix») ءالى دە كوش باستاپ كەلەدى. ونىڭ كورسەتكىشى – 16:51:41. ەكىنشى جانە ءۇشىنشى ورىنداردا – سلوۆەنيالىق تادەي پوگاچار (UAE-Team Emirates) مەن بەلگيالىق ۆاۋت ۆان ارت (Team Jumbo-Visma).
