رەسمي مالىمەتتەر بويىنشا, رەسەيدە ماۋسىم ايىندا كوروناۆيرۋس جۇقتىرۋ دەرەگى 40 پايىزعا, 375 مىڭعا دەيىن ارتقان. ولاردىڭ باسىم بولىگىنەن «دەلتا» شتامى انىقتالعان. ۇلىبريتانيادا دا جاعداي وسىعان ۇقساس, وندا قازىر 100 مىڭعا جۋىق ادام ەمدەلىپ جاتىر.
ەۋروپا ەلدەرى ءۇشىن ينفەكتسيانىڭ جاڭا شتامى جاڭا شەكتەۋلەرگە نەگىز بولادى. مىسالى, ۆيرۋستىڭ «دەلتا» نۇسقاسىنىڭ تارالۋىن توقتاتۋ ءۇشىن گەرمانيا پورتۋگاليادان كەلگەندەرگە ەكى اپتالىق كارانتين ەنگىزەدى. ەۋروكوميسسيا مۇنداي شەشىمدەردى كەلىسىپ ەنگىزۋگە شاقىردى.
«كەز كەلگەن توتەنشە شەشىم تۋرالى ەۋروكوميسسيانى جانە وداقتىڭ باسقا ەلدەرىن مۇمكىندىگىنشە تەزىرەك حاباردار ەتۋ ماڭىزدى. ەو-عا مۇشە مەملەكەتتەر ساياحاتقا تىيىم سالماي قاتاڭ شارالاردى ەنگىزۋ تۋرالى كەلىسىلگەن ۇسىنىستاردى ۇستانۋى كەرەك. گەرمانيانىڭ شەشىمدەرى بۇعان تولىق سايكەس كەلمەيتىن ءتارىزدى», دەدى ەۋروپالىق كوميسسيانىڭ رەسمي وكىلى كريستيان ۆيگاند.
