ساياسات • 01 شىلدە، 2021

ىرىكتەۋ تولىق اۆتوماتتاندىرىلادى

22 رەت كورسەتىلدى

مەملەكەتتىك قىزمەت ىستەرى اگەنتتىگىنىڭ توراعاسى انار جايلعانوۆا iQyzmet بازاسىندا كادرلىق پروتسەستەردى تسيفرلاندىرۋ بويىنشا قابىلدانىپ جاتقان شارالاردىڭ ارقاسىندا مەملەكەتتىك قىزمەتكە ىرىكتەۋدىڭ بارلىق كەزەڭى اۆتوماتتاندىرىلاتىنىن مالىمدەدى. بۇل تۋرالى ول «ەلەكتروندى وقىتۋ ارقىلى ادامي رەسۋرستاردى دامىتۋ: ەلدەردىڭ تاجىريبەسى» تاقىرىبىنداعى حالىقارالىق ونلاين-كونفەرەنتسيادا ايتتى.

ءىس-شارانى مەملەكەتتىك قىزمەت ىستەرى اگەنتتىگى، استانا مەملەكەتتىك قىزمەت حابى، قازاقستاننىڭ HR قاۋىمداستىعى جانە كورەيا رەسپۋبليكاسىنىڭ پەرسونالدى باسقارۋ مينيسترلىگى ۇيىمداستىردى.
كونفەرەنتسياعا مەملەكەتتىك قىزمەت ىستەرى اگەنتتىگىنىڭ توراعاسى انار جايلعانوۆا، مەملەكەتتىك قىزمەت سالاسىنداعى وڭىرلىك حابتىڭ باسقارۋشى كوميتەتىنىڭ توراعاسى ءاليحان بايمەنوۆ، كورەيا رەسپۋبليكاسىنىڭ پەرسونالدى باسقارۋ ءمينيسترى كيم ۆۋ حۋ، ۋكراينانىڭ مەملەكەتتىك قىزمەت ماسەلەلەرى جونىندەگى ۇلتتىق اگەنتتىگىنىڭ باسشىسى ناتاليا اليۋشينا، وزبەكستان رەسپۋبليكاسى پرەزيدەنتىنىڭ جانىنداعى مەملەكەتتىك قىزمەتتى دامىتۋ اگەنتتىگىنىڭ، گرۋزيانىڭ مەملەكەتتىك قىزمەت بيۋروسىنىڭ جانە
ت. ب. وكىلدەرى قاتىستى.
اگەنتتىك توراعاسى انار جايلعانوۆا ءوز سوزىندە قازاقستاننىڭ مەملەكەتتىك قىزمەت سالاسىنداعى تسيفرلاندىرۋ تاجىريبەسىمەن، سونداي-اق مەملەكەتتىك قىزمەتشىلەردىڭ تسيفرلىق داعدىلارىن دامىتۋعا باعىتتالعان شارالار تۋرالى اقپاراتتى ءبولىستى.
اتاپ ايتقاندا iQyzmet بازاسىندا كادرلىق پروتسەستەردى تسيفرلاندىرۋدىڭ ءبىرىنشى كەزەڭى رەتىندە مەملەكەتتىك قىزمەتكە ىرىكتەۋ پروتسەسىن قايتا قاراۋ جۇزەگە اسىرىلادى. ىرىكتەۋدىڭ بارلىق كەزەڭى بۇدان بىلاي اۆتوماتتاندىرىلادى، بۇل رەكرۋتينگتىك پروتسەستەردىڭ وبەكتيۆتىلىگى مەن اشىقتىعىن قامتاماسىز ەتەدى. بۇدان باسقا، كانديداتتاردىڭ دەرەكتەرىن بار بوس جۇمىس ورىندارىمەن جانە بىلىكتىلىك تالاپتارىمەن اۆتوماتتى تۇردە سالىستىرۋ مۇمكىندىگى كوزدەلگەن. بۇل كانديداتتاردى پرواكتيۆتى ىزدەۋدى جۇزەگە اسىرۋعا مۇمكىندىك بەرەدى.
قازاقستاندىق مەملەكەتتىك قىزمەت­شىلەردى ەلەكتروندى وقىتۋ تۇرعى­سىنان العاندا، 2020 جىلعى ناۋرىزدان باستاپ پرە­زيدەنتى جانىنداعى مەملەكەتتىك باسقارۋ اكادەمياسىنىڭ ماگيستراتۋرا مەن دوكتورانتۋرانىڭ ءبىلىم بەرۋ باع­دار­لامالارى بويىنشا بارلىق وقۋ پروتسەس­تەرى LMS Canvas جانە Microsoft Teams اقپا­راتتىق پلاتفورمالارى بازاسىندا ونلاين رەجىمىندە، قىسقا مەرزىمدى باعدارلامالار بويىنشا – Zoom، Microsoft Teams جانە Moodle پلاتفورمالارىندا وتەتىنى اتاپ ءوتىلدى.
كورەيا رەسپۋبليكاسى پەرسونالدى باسقارۋ مينيسترلىگىنىڭ وكىلى 2017 جىلى قۇرىلعان مەملەكەتتىك قىزمەتشىلەردى وقىتۋدىڭ ۇلتتىق جۇيەسىنىڭ ەرەكشەلىكتەرى تۋرالى ايتىپ بەردى. قازىرگى ۋاقىتتا جۇيەدە 3000-نان استام وقىتۋ مازمۇنى بار. بۇل كۋرستاردىڭ كوپشىلىگى مەملەكەتتىك قىزمەتشىلەر ءۇشىن مىندەتتى بولىپ تابىلادى جانە ادالدىق، گەندەرلىك تەڭدىك جانە ت.ب. ماسەلەلەرگە ارنالعان. جالپى جانە ەرەكشە جۇمىس داعدىلارىن دامىتاتىن كۋرستاردى ءارتۇرلى مينيسترلىكتەر بىرلەسىپ پايدالانادى. جالپى العاندا، كورەيالىق مەملەكەتتىك قىزمەتشىلەر جىلىنا كەمىندە 100 ساعاتتى قۇرايتىن وقۋدان ءوتۋى ءتيىس. بۇل شارت ورىندالماعان جاعدايدا ولار ودان ءارى جوعارىلاۋعا جاتپايدى.
ۋكراينانىڭ مەملەكەتتىك قىزمەت ماسە­لەلەرى جونىندەگى ۇلتتىق اگەنتتىگىنىڭ باسشىسى ناتاليا اليۋشينا كونفەرەنتسياعا قاتىسۋشىلارعا مەملەكەتتىك ورگاندار مەن جەرگىلىكتى ءوزىن ءوزى باسقارۋ ورگاندارىنىڭ وكىلدەرى پايدالاناتىن ءبىلىمدى باسقارۋ پورتالىن ۇسىندى. بۇگىنگى تاڭدا پورتالدا 119 ءبىلىم بەرۋ قىزمەتىن جەتكىزۋشى جانە 1100 وقىتۋ باعدارلاماسى بار. سونداي-اق ول ۋكراينانىڭ جەرگىلىكتى ءوزىن ءوزى باسقارۋدى ورتالىقسىزداندىرۋعا جانە رەفورمالاۋعا باعىتتالعان بىرلەسكەن شۆەيتساريالىق-ۋكرايندىق DESPRO جوباسىن ىسكە اسىرۋ تاجىريبەسىن ورتاعا سالدى. ونىڭ اياسىندا جەرگىلىكتى ءوزىن ءوزى باسقارۋ ورگاندارىنا كەشەندى تەوريالىق جانە پراكتيكالىق وقىتۋ جۇرگىزىلەدى.
سونىمەن قاتار كونفەرەنتسيا بارىسىندا گرۋزيا، وزبەكستان، سونداي-اق قازاقستان HR قاۋىمداستىعىنىڭ ەلەكتروندى وقىتۋ تاجىريبەسى ۇسىنىلدى.

سوڭعى جاڭالىقتار

تاعى 1650 قازاقستاندىق ىندەت جۇقتىردى

كوروناۆيرۋس • بۇگىن، 09:00

ۇقساس جاڭالىقتار