توقاەۆ پەن ساعىنتاەۆ – اعىلشىن ءتىلى ءپانى بويىنشا ەڭ ۇزدىك وقۋشىلار

بۇلار – «باستاۋىش سىنىپقا ارنالعان اعىلشىن ءتىلى: ويناۋ ارقىلى وقىتۋ», My best student’s book Aspect/Action 10-سىنىپ, Aspect/Action 10-11-سىنىپ for Kazakhstan, My best student’s book Excel 5-9-سىنىپ, Excel 5-9-سىنىپ for Kazakhstan, «مەنىڭ جاسىل پلانەتام» جانە «ارمانعا جەتۋ جولىندا» ءبىلىم دودالارى.

مەكتەپ وقۋشىلارى ارا­سىنداعى بايقاۋ جەڭىمپاز­دارى­نىڭ ىشىندە تالدىقورعاننان ءاليحان توقاەۆ پەن نۇر-سۇل­تاننان تيمۋر ساعىنتاەۆ تا بار. ەڭ باستىسى – بۇل بالالاردىڭ تەكتەرى ەمەس, بىلىمدەرى.

– مەن پرەزيدەنتپەن جاي عانا تەكتەسپىن, ءبىزدىڭ ءبىر-بىرى­مىزگە تۋىستىعىمىز جوق, – دەپ اڭگىمەنى بىردەن باس­تاعان جوعارى سىنىپ وقۋشىسى ءالي­حان توقاەۆ ودان ءارى بىلاي دەيدى: – ارينە, تالاي ادام بۇل تۋرالى سۇرايدى, بىراق بۇل ماعان جانە مەنىڭ دامۋى­ما ەش اسەر ەتكەن جوق. ما­عان پرەزيدەنتتىڭ تەگى ءۇشىن بەس قوي­مايدى. ساياساتقا بارۋدى دا جوس­­پارلامايمىن, مەديا سالاسىندا زەرتتەۋ جۇرگىزگىم كەلەدى, سول ءۇشىن ءتىل ۇيرەنىپ جاتىرمىن, ويتكەنى ءتىل الەمگە جول اشادى. پرەزيدەنتتى تەك تەلەديداردان كوردىم, ەگەر ءبىز كەزدەسىپ قال­ساق, ارينە, قالاي مەملەكەت باسشىسى بولۋعا بولاتىنىن, ەلدى باسقارۋ قانشالىقتى قيىن ەكەنىن, ونىڭ ءومىرى قانداي, شەت تىلدەرىن قايدان ۇيرەندى دەگەن ساۋالدار قويار ەدىم.

– مەن باقىتجان ساعىن­تاەۆ­تىڭ كىم ەكەنىن دە بىلمەيمىن, الماتىدا تۇرمايمىن, ەلىمىزدىڭ استاناسىندا تۇرامىن, – دەپ تاڭ­داندى التىنشى سىنىپ وقۋ­شىسى تيمۋر ساعىنتاەۆ. – ءبىز جاي عانا تەكتەسپىز. كەيىن كىم بولاتىنىمدى بىلمەيمىن, قازىر مەن اعىلشىن ءتىلىن ۇيرە­نىپ ءجۇرمىن, بۇل مەن ءۇشىن ما­ڭىزدى. سودان كەيىن باسقا ءتىلدى ۇيرەنگىم كەلەدى, ويتكەنى بۇل مەنىڭ قولىمنان كەلەدى.

Edu Stream ءبىلىم بەرۋ ور­تالىعى مەن Express publi­shing حالىقارالىق باسپاسى وسىمەن بەسىنشى جىل وتكىزىپ جاتقان اعىلشىن ءتىلىن ۇيرەنۋشىلەرگە ارنالعان بايقاۋلارعا قاتىسۋ­شىلاردىڭ دەڭگەيى ايتارلىقتاي جوعارى ەكەنىن اتاپ ءوتۋ كەرەك. پاندەمياعا قاراماستان, قاتى­سۋشىلاردىڭ سانى ءوستى, بيىل قا­زاقستاننىڭ تۇكپىر-تۇكپىرىنەن 500 مۇعالىم مەن 3000 وقۋشى وزدەرىنىڭ ساباقتارىنىڭ بەينەجازبالارىن جىبەردى, ءتىپتى بۇرىن وسى ءپاندى بىلمەگەن با­تىس جانە وڭتۇستىك قازاقستان وبلىس­تارىنان قاتىسقاندار دا بار. بالالار ءوز شاعىن فيلم­دەرىندە قازاق جانە بريتان داستۇرلەرىن زەرتتەپ, سالىستىردى, پلانەتاعا, وسىمدىكتەر مەن جانۋارلار الەمىنە قام­قورلىق جاساۋعا شاقىردى. ءتىپتى ءبىر قىز جەردەگى بارلىق ادام تەڭ ەكەنىن دالەلدەي وتىرىپ, «قارا جورعا» مەن بريتاندىق موريس ءبيىنىڭ اراسىندا پاراللەل جۇرگىزدى.

– ءوز مۇعالىمىممەن بىرگە بيو­­لوگيا تۋرالى اعىلشىن تىلىن­­دە بەينەماتەريال ءتۇسىرىپ جات­­قان كەزىم ماعان ۇنادى, – دەپ مويىندادى گران-پري يەگەرى يۆان كازمين. – سول ۋاقىت ىشىندە مەن بولاشاقتا ءوز جۇ­مىسىمدى ەكولوگيامەن باي­لا­نىستىرامىن دەپ شەشتىم, ويت­كەنى ەگەر ءبىز قازىر عالام­شار­دى كۇتۋدى باستاماساق, ءجۇز جىل­دان كەيىن تىرشىلىك اتاۋلى جويىلۋى مۇمكىن.

– مەن مۇعالىمدەر مەن ولار­دىڭ وقۋشىلارىنىڭ تەحني­كالىق, زياتكەرلىك, اقپاراتتىق, كوم­مۋنيكاتيۆتىك جاعىنان دا­مۋىنىڭ ناتيجەسىن كورىپ وتىرمىن, ولار ءۇش تىلدە سويلەيدى. ءبىز سونداي-اق ايقىن ازاماتتىق ۇستانىمدى, ءپاتريوتيزمدى, ءوز ەلىنە دەگەن سۇيىسپەنشىلىكتى بايقايمىز. ءبىز باسقا, جوعارى سانالى دەڭگەيگە جەتىپ جاتقان جاڭا بۋىندى كورىپ وتىرمىز. مۇنىڭ ءبارى ءبىزدىڭ ەڭ­بەگىمىز, ويتكەنى مۇعالىمدەر شا­كىرتتەرى ءۇشىن ءومىر سۇرەدى جانە جۇمىس ىستەيدى, ال ولاردىڭ جە­تىستىگى – ءبىزدىڭ ماقتانىشىمىز.

ەندى مۇعالىمدەردى جاقىندا جاڭا شىعارماشىلىق بەينەماتەريالدار بايقاۋى كۇتەدى, وندا ولار ءوز جۇمىسى تۋرالى كرەا­تيۆتى تۇردە اڭگىمەلەيتىن بولادى. بايقاۋ ءبىر جىل بۇرىن كارانتيننىڭ ەڭ قيىن كەزەڭىندە وقىتۋشىلار مەن وقۋشىلاردى قولداۋ ماقساتىندا باستالعان بو­لا­تىن, دەيدى Edu stream ءبىلىم بەرۋ ور­تالىعىنىڭ باس ديرەكتورى.