ارنا مادەني-تانىمدىق حابارلار, مادەني-اعارتۋ باعىتىنداعى دەرەكتى جانە كوركەم فيلمدەر, تەاتر قويىلىمدارى, ءداستۇرلى جانە كلاسسيكالىق مۋزىكا جانرلارى بويىنشا حابارلار قورىن ۇسىنادى. «قازاقستان» تەلەراديوكورپوراتسياسىنىڭ «التىن قورىنداعى» بەينەماتەريالدار قايتا وڭدەلىپ, تۇراقتى كورسەتىلىپ كەلەدى.
تۇلعالار مەن ولاردىڭ قۇندى ەڭبەكتەرى, تاريحي جادىگەرلەردى ناسيحاتتاۋ بويىنشا ءبىر جىلدا «جادىگەر», «كونە ءداۋىر قۇپيالارى», «قازبا قازىنالارى» حابارلارى جارىق كورسە, ۇلتتىق, كلاسسيكالىق مۋزىكا, بي ونەرى جايىندا «جىر داستان», «كۇمىس كومەي», «وركەستروۆايا پارتيتۋرا», «ماڭگىلىك مۇرا» حابارلارى ەفيرگە شىقتى.
تەاتر ونەرى, مادەنيەت نىساندارى, بەينەلەۋ جانە قولونەر تاقىرىبى «سىرلى ساحنا», «تەاتر الەمى», «ارت اكادەميا» باعدارلامالارىندا كورىنىس تاپتى.
قازاق جانە الەم ادەبيەتىنىڭ جاۋھارلارى «ۇركەر», «مازمۇنداما», «ابايدىڭ جولى» باعدارلامالارىنا نەگىز بولدى.
قوعامداعى سان الۋان ماسەلەلەرگە قاتىستى ءار بۋىن وكىلدەرىنىڭ پىكىرى ستۋديالىق «سانا», «Z-zaman», ء «ساراسوز», «رۋحانيات», «ۆەچنىە تسەننوستي», باعلارلامالارىندا تالقىلانادى. ارنا اشىلعان ءبىر جىل ىشىندە «قازاقستان» تەلەراديوكورپوراتسياسىنىڭ دۋبلياج ءبولىمى ارقىلى الەمنىڭ ەڭ ۇزدىك 144 كوركەم ءفيلمى, 14 دەرەكتى فيلم قازاق تىلىنە اۋدارىلىپ, «Abai TV» ارناسىنان ۇسىنىلدى. الەمدىك كينونىڭ ۇزدىك تۋىندىلارى تۋرالى «سوڭعى مۋزا» باعدارلاماسى جارىققا شىقتى.
تەلەجوبالاردى مادەنيەت, ادەبيەت, رۋحاني-اعارتۋ سالاسىنىڭ وكىلدەرى اسىلبەك بيسەنباەۆ, ەرلان سىدىقوۆ, جۇسىپبەك قورعاسبەك, قالي سارسەنباي, گۇلميرا شالاباەۆا, شەرۋباي قۇرمانباي ۇلى, ەلەنا ابدىحالىقوۆا, ايگۇل قوسانوۆا, كاسىبي تەلەجۇرگىزۋشىلەر دارحان ابدىك, سۆەتلانا كوكوۆينەتس, فليۋرا مۋسينا, جاڭىل اسىلبەكوۆا, داۋرەن داريابەك, مولديار ەرگەبەكوۆ, نۇرمۇحامەد بايعارا, نازيرا بەردالى جۇرگىزەدى.
تەلەارنا «Otau TV» ۇلتتىق سپۋتنيكتىك وپەراتورى, «Alma TV», «ID TV» كابەلدىك جەلىلەرى ارقىلى جانە www.abaitv.kz رەسمي سايتى ارقىلى ونلاين تارالادى.
