«بۇگىنگى تاڭدا جەر شارىنداعى پاندەميانىڭ قوزدىرعىش ۆيرۋسىنىڭ ءارتۇرلى نۇسقالارى كەڭ تارالۋىنا بايلانىستى ۆاكتسيناتسياعا دەگەن سۇرانىس, تالپىنىس, ۆاكتسينامەن قامتاماسىز ەتۋ بەلسەندىلىگى كوپتەگەن مەملەكەتتەردە بايقالۋدا. جەر شارىندا 182 ميلليوننان استام ادام كوروناۆيرۋس جۇقپاسىمەن اۋىرعان. وكىنىشكە قاراي, سونىڭ اراسىندا 3,9 ملن ءولىم-ءجىتىم وقيعاسى تىركەلىپ وتىر», دەدى ايناگۇل قۋاتباەۆا.
قازاقستاندا دا پاندەميا باستالعاننان بەرى ۆيرۋس جۇقتىرعانداردىڭ سانى بىرتىندەپ جارتى ميلليوندىق مەجەگە جاقىنداپ كەلەدى.
«قازاقستاندا لابوراتوريامەن دالەلدەنگەن 423 137 كوروناۆيرۋس ىندەتى انىقتالعان. ونىڭ ىشىندە سوڭعى تاۋلىكتە 2016 جاعداي تىركەلگەن. سونىمەن قاتار كوروناۆيرۋسقا ىقتيمالدىعى جوعارى, پنەۆمونيامەن قاتار جۇرەتىن 57 025 جاعداي تىركەلگەن بولسا, سوڭعى تاۋلىكتە 83 فاكتى بەلگىلى بولدى», دەدى قوعامدىق دەنساۋلىق ساقتاۋ ۇلتتىق ورتالىعىنىڭ وكىلى.
