ايماقتار • 30 ماۋسىم، 2021

ەكپە پۋنكتتەرىنىڭ جۇمىس ساپاسى باقىلاۋعا الىندى

41 رەت كورسەتىلدى

الماتىدا ەكپە پۋنكتەرىنىڭ جۇمىس ساپاسىن جانە ۆاكتسينالاۋ تەحنولوگياسىنىڭ ساقتالۋىن باقىلايتىن ارنايى جۇمىس توپتارى قۇرىلدى، دەپ حابارلايدى Egemen.kz.

قالانىڭ بارلىق اۋداندارىنداعى 208 ەگۋ پۋنكتەرىندە ۆاكتسينالاۋعا ارنالعان سانيتارلىق ەرەجەلەر تالاپتارىنىڭ ساقتالۋىن تەكسەرۋ ءۇشىن جۇمىس توپتارى قۇرىلدى.

«تۇرعىندار تاراپىنان قىزىعۋشىلىق وتە جوعارى، كۇن سايىن بىزگە ۆاكتسينا الۋ ءۇشىن 200-دەن 250-گە دەيىن ادام كەلەدى، قازىرگى كەزدە ءبىز 4000-عا جۋىق ادامعا ۆاكتسينا سالدىق.  ۆاكتسينالار مۇزداتقىش كامەرالاردا ساقتالادى. مىسالى، سپۋتنيك V ۆاكتسيناسىنىڭ دوزالارى -18 دەن -24 دەيىنگى تەمپەراتۋرادا، قازاقستاندىق ۆاكتسينا +2 +8 گرادۋس تسەلسيدە ساقتالادى»، دەيدى №18 قالالىق ەمحانانىڭ تەراپەۆتى سىمبات بەردىبەك.

ايتا كەتسەك، وتكەن تاۋلىكتە الماتىدا بارلىعى 12 275 ادامعا ۆاكتسينا سالىندى. بارلىق كەزەڭدە 450 مىڭعا جۋىق الماتىلىق ۆاكتسينادان ءوتتى.

جۇمىس توبى سونىمەن بىرگە قالا اسحانالارىنىڭ ءبىرىن تەكسەرۋ كەزىندە سانيتارلىق نورمالار بۇزىلعانىن، كەلۋشىلەر ماسكا رەجيمىن، الەۋمەتتىك اراقاشىقتىقتى ساقتاماعانىن انىقتاعان.   

الماتى قالاسى اكىمىنىڭ ورىنباسارى ەرجان باباقۇماروۆ جۇمىس ساپارىنىڭ قورىتىندىسى بويىنشا ونلاين فورماتتا قالانىڭ مەديتسينالىق ۇيىمدارىنىڭ باسشىلارىمەن، سونداي-اق اۋدان اكىمدىكتەرىنىڭ باسشىلىعىمەن تۇرعىندارعا مەديتسينالىق قىزمەت كورسەتۋ ساپاسى مەن جۇمىسىنا بايلانىستى كەڭەس وتكىزدى. اۋدان اكىمدىكتەرىنە مەديتسينالىق ۇيىمدارمەن بىرگە اقپاراتتىق-ءتۇسىندىرۋ جۇمىستارىن كۇشەيتۋ تاپسىرىلدى. مىسالى، ساۋدا-ويىن-ساۋىق ورتالىعى مەن ءسۇ-عا باراتىن ازاماتتار عيماراتقا كىرگەن ساتتەن باستاپ COVID-19-قا قارسى ۆاكتسيناتسيا مۇمكىندىگى تۋرالى حاباردار بولۋى جانە ۆاكتسينا الۋدىڭ ماڭىزدىلىعى تۋرالى ءتيىستى اقپاراتتى كورۋى كەرەك. 

مەگاپوليستەگى ەپيدەميولوگيالىق احۋال بارىنشا تەز تاراعىش مۋتاتسيالانعان «دەلتا» شتامىنىڭ سالدارىنان ۋشىعۋدا. سوڭعى اپتادا كوروناۆيرۋسپەن اۋرۋشاڭدىق 1،7 ەسەگە ءوستى. ماسەلەن، وتكەن تاۋلىكتە كوروناۆيرۋستىق ينفەكتسيانىڭ 253 جاعدايى انىقتالدى. سوڭعى اپتادا بەلگىلەرى بار كۆي بار ناۋقاستاردىڭ ۇلەسى 32%-دان 53%-عا دەيىن ءوستى. بۇل مالىمەتتەر دەلتا شتاممىنىڭ COVID-19 پاتوگەندىگىنىڭ جوعارى ەكەندىگىن كورسەتەدى. ەپيدەميولوگتاردىڭ ايتۋى بويىنشا، دەلتا شتامى وتە جۇقپالى جانە انىقتالعان شتامدارعا قاراعاندا 60%-عا كوپ جۇقتىرادى. عالىمداردىڭ زەرتتەۋلەرى كورسەتكەندەي، كوروناۆيرۋستىڭ ء«ۇندى» شتامى اۋرۋحاناعا جاتقىزۋ جانە ءولىم ىقتيمالدىلىعىمەن بايلانىستى.

سوڭعى جاڭالىقتار

پرەزيدەنت الماتى اكىمىن قابىلدادى

پرەزيدەنت • بۇگىن، 14:07

وتكەن تاۋلىكتە 187 ادام ىندەت جۇقتىردى

كوروناۆيرۋس • بۇگىن، 10:40

ۇقساس جاڭالىقتار