ەرلى-زايىپتىلار وزبەكستاننان كەلگەن. ولار ءسابيدى جامبىل وبلىسىندا تۇراتىن ايەلگە ساۋدالاعان. قازىر بۇل ءىس بويىنشا سوتقا دەيىنگى زەرتتەۋ ءجۇرىپ جاتىر.
«وسى جۇپ 2019 جىلى ءدال وسىنداي تاسىلمەن ءبىرىنشى بالالارىنان قۇتىلعانى بەلگىلى بولدى», دەيدى الماتى قالالىق پوليتسيا دەپارتامەنتىنىڭ رەسمي وكىلى سالتانات ازىربەك.
ول كەزدە دە بالالارىن بوتەن بىرەۋگە ساتىپ جىبەرگەن. قازىر بالا تاربيەلەنىپ جاتقان وتباسى انىقتالدى.
قىلمىستىق كودەكستىڭ 135-بابى بويىنشا سوتقا دەيىنگى تەرگەۋ جۇمىستارى جۇرگىزىلىپ جاتىر.
ايتا كەتەيىك, ەل اۋماعىندا ادام ساۋداسىن اۋىزدىقتاۋ, ازاماتتاردى قۇلدىقتا ۇستاۋدى بولدىرماۋ ماقساتىندا ۇيىمداستىرىلعان جەدەل-پروفيلاكتيكالىق «STOP ترافيك» شاراسى كەزىندە وسىنداي 56 قىلمىس انىقتالدى.
