بۇل يننوۆاتسيالىق عىلىمي-وندىرىستىك كومپانيا اگروونەركاسىپ كەشەنى مەن قورشاعان ورتا قاجەتتىلىكتەرى ءۇشىن ۇشقىشسىز ۇشۋ كەشەنىن جاسادى. كەشەن ەكى ۇشقىزسىز ۇشۋ اپپاراتى مەن جەردەگى مەتەوستانسادان تۇرادى.
ءبىرىنشى درون بورتتاعى مەتەوستانسامەن جانە قوزعالىس پەن وپەراتور ارەكەتىن تۇزەتۋ ءۇشىن باقىلاۋ جۇيەلەرىمەن جابدىقتالعان. ەكىنشىسى بەلسەندى زاتتى بۇلتقا تىكەلەي شاشادى. جەردەگى مەتەوستانسا جەلدىڭ باعىتى مەن جىلدامدىعىن انىقتايدى. Nimbus ەكى قوزعالتقىشتى ۇشقىشىنىڭ تەحنيكالىق سيپاتتامالارىنا كەلسەك, تەڭىز دەڭگەيىنەن 5500 مەتر بيىكتىكتە 2 ساعات ۇشا الادى. ءتۇزۋ ۇشۋ قاشىقتىعى – 140 شاقىرىم, جىلدامدىعى – 72 ش/ساع. بۇل جاعدايدا ارنايى كومپوزيتسيانى شاشىراتاتىن ەكولوگيالىق قاۋىپسىز پيروتەحنيكالىق كارتريدجدەر رەاكتيۆ رەتىندە جۇمىس ىستەيدى.
ء«بىز جۇك كوتەرگىشتىگى 10 كيلوعا دەيىن كوتەرەتىن درون جاسادىق, ول بۇلتتى سەبۋگە, ياعني جاساندى جاڭبىر تۋدىرۋعا قولدانىلادى. ءبىز مۇنداي جوبالاردى قوستاناي وبلىسىندا سىناقتان وتكىزىپ جاتىرمىز جانە ماڭعىستاۋ وبلىسىندا جوسپارلانعان. قۇرعاقشىلىققا بايلانىستى وسىمدىكتەر عانا زارداپ شەكپەيدى, جانۋارلاردا دا جەيتىن ەشتەڭە جوق, جاعداي ايانىشتى ەكەندىگىن وزدەرىڭىز دە بىلەسىزدەر», دەيدى «KazTechInnovations» جشس جوبا مەنەدجەرى ەرنۇر تولەگەن.
جاساندى جاڭبىردىڭ كومەگىمەن قۇرعاق ۋاقىتتا ورىستەردى سۋارىپ, ءورتتى سوندىرۋگە بولادى. بۇل ءادىس قىستا از قار جاۋىپ, ورىستەردى قارمەن جابۋ ءۇشىن دە قولدانىلادى. بۇگىنگى كۇنى كومپانيا ءومىردىڭ ءتۇرلى سالالارىندا يننوۆاتسيالىق جوبالاردى جۇزەگەاسىرۋدا – سوتتالعاندارعا ارنالعان ەلەكتروندى بىلەزىكتەر, ەلەكترموبيلدى پلاتفورمالار, قورشاعان ورتانى باقىلاۋ ستانسالارى, مەتەورولوگيالىق ستانسالار, ءدارىحانا سەنسورلارى, ەڭبەك قاۋىپسىزدىگى داتچيكتەرى, Growgreenme وسىمدىكتەرىن وتىرعىزۋ مونيتورينگى, Robostore اۆتوماتتارى ويلاپ تابىلدى. مۇنايدىڭ توگىلۋىنە قارسى تۇرۋ ءۇشىن سفەرالىق درەيفتى قالتقى تۇرىندە ازىرلەندى.
وسى ۋاقىتتا جاساۋشىلار كوپ سپەكترلى بەينەسى بار كارتاعا تۇسىرۋگە, دەرەكتەردى قورعاۋعا جانە اسكەريلەرگە, ەكولوگتەرگە, فەرمەرلەرگە ارنالعان شيفرلاۋمەن ۇشقىشسىز ۇشۋ اپپاراتتارىنا كوپ كوڭىل بولۋدە.
«ەكولوگيا بويىنشا ماسەلەلەر باستالعان كەزدە ءبىزدى زاتتار ينتەرنەتى قىزىقتىردى. مىسالى, قازىر سوفت بولىگىن ازىرلەيتىن قازاقستاندىق كومپانيامەن بىرىگىپ جاتىرمىز. بۇل لاستانۋدى باقىلاۋدىڭ اۆتوماتتى جۇيەسى بولادى, وندا دەرەكتەردى بەرۋ دەرەۋ ەكولوگيا مينيسترلىگىنىڭ سەرۆەرلەرىنە جىبەرىلەدى. سونىمەن قاتار ءبىز پارنيكتىك گازدار مونيتورينگى بويىنشا امەريكالىق جانە بەلگيالىق كومپانيالارمەن بايلانىسقا شىقتىق, ارنايى داتچيكتەر ازىرلەۋدى جوسپارلاپ وتىرمىز», دەيدى «KazTechInnovations» جشس باس ديرەكتورى تاير بالباەۆ.
KTI زاۋىتى «الاتاۋ» يننوۆاتسيالىق تەحنولوگيالار پاركىندە ورنالاسقان. بۇل زاۋىت – تولىق تسيكلدى ءوندىرىس: ونىڭ وزىندىك كونسترۋكتورلىق بيۋروسى, مەتالل وڭدەۋ, قوسپا تەحنولوگيالارى, كومپوزيتسيالىق ماتەريالدار ءوندىرىسى, پلاستماسسا جانە سيليكوندى قالىپتاۋ, گالۆانيكالىق جابىندار مەن ەلەكتروندى بۇيىمداردى ورناتۋ تسەحتارى بار. 2021 جىلى «الاتاۋ» يننوۆاتسيالىق تەحنولوگيالار پاركىندە 1 383 جاڭا جۇمىس ورنىن قۇرايتىن, 44,5 ملرد تەڭگە سوماسىنا 8 جوبانى جۇزەگە اسىرۋ جوسپارلانعان.
الماتى
