2022 جىلى جاڭارتىلعان ەسەپ دەرەكتەرىنە سايكەس ءوسىم 3,8%-دى قۇرايدى. قر ەكونوميكاسىنىڭ بيىلعى ءوسۋ دەرەكتەرى بويىنشا ەقدب قازاقستان ەكونوميكاسىنىڭ قالپىنا كەلۋ بويىنشا ءوسۋ تراەكتورياسىنا شىققانىن اتاپ ءوتتى.
بولجامداردى ارتتىرۋدىڭ نەگىزگى فاكتورلارى ناقتى سەكتورداعى, اتاپ ايتقاندا, ەكونوميكانىڭ وڭدەۋشى سالالارىنداعى, قۇرىلىستاعى جانە اۋىل شارۋاشىلىعىنداعى جوعارى ديناميكا, كورسەتىلەتىن قىزمەتتەر سالاسىنىڭ جەكەلەگەن سالالارىنداعى بەلسەندىلىكتى ارتتىرۋ, ەكونوميكانىڭ ءوندىرۋشى ەمەس سالالارىنداعى ينۆەستيتسيالىق قىزمەتتى قالپىنا كەلتىرۋ, سونداي-اق الەمدىك شيكىزات نارىقتارىنداعى سۇرانىستى قالپىنا كەلتىرۋ بولدى.
قايتا وڭدەۋ سەكتورىندا ءوسۋ قارقىنى وسى جىلدىڭ 5 ايىنىڭ ناتيجەسى بويىنشا ماشينا جاساۋدا (21,1%), ونىڭ ىشىندە اۆتوموبيل جاساۋدا (26,4%) جانە لوكوموتيۆتەر مەن ۆاگونداردى قوسا العاندا وزگە كولىك قۇرالدارىن وندىرۋدە (54,9%), حيميا ونەركاسىبىندە (9,8%), جەڭىل ونەركاسىپتە (5,5%), ازىق-ت ۇلىك ونىمدەرىن وندىرۋدە (3,3%), مەتاللۋرگيادا (2,7%), فارماتسەۆتيكادا (25,7%) جانە باسقا سالالارداعى جوعارى قارقىن ەسەبىنەن 7,2% دەڭگەيىندە قالىپتاستى.
قۇرىلىس سەكتورىندا (11,3%) جانە اۋىل شارۋاشىلىعىندا (3,1%) جوعارى ءوسۋ قارقىنى بايقالدى. ەقدب سونداي-اق قىزمەت كورسەتۋ سالاسىنىڭ جەكەلەگەن سالالارىنداعى ءوسىمدى اتاپ كورسەتەدى. اتاپ ايتقاندا, بيىلعى 5 ايدىڭ قورىتىندىسى بويىنشا قالپىنا كەلۋدىڭ جوعارى قارقىنى ساۋدادا (6,7%), بايلانىستا (11,6%), قارجى جانە ساقتاندىرۋ قىزمەتىندە (1,6%), جىلجىمايتىن م ۇلىك وپەراتسيالارىندا (1,3%) بايقالدى.
نەگىزگى كاپيتالعا سالىنعان ينۆەستيتسيالاردىڭ ءوسۋى تاۋ-كەن ءوندىرىسىن ەسەپكە الماعاندا 25,5%-دى قۇرادى. ەقدب الداعى كەزەڭدەردە قر ەكونوميكاسى ءوسىمىنىڭ وڭ فاكتورلارى رەتىندە ۇكىمەتتىڭ ەكونوميكانى فيسكالدىق ىنتالاندىرۋ جانە جەكە سۇرانىستى قالپىنا كەلتىرۋ جونىندەگى شارالارىن دا اتاپ وتەدى. ەقدب الەمدىك جانە ۇلتتىق ەكونوميكالاردى قالپىنا كەلتىرۋدەگى نەگىزگى سىن-تەگەۋرىن پاندەميانىڭ قايتالانۋ ىقتيمالدىعى دەپ سانايدى.
