سۇحبات تاقىرىبى قر سىبايلاس جەمقورلىققا قارسى ءىس-قيمىل اگەنتتىگىنىڭ اۋىل شارۋاشىلىعى سالاسىنداعى سۋبسيديالاۋعا كەشەندى تالداۋ جۇرگىزۋ تۋرالى باستاماسىنا ارنالدى.
سپيكەر بۇل باستامانى تولىعىمەن قولدايتىنىن جانە سۋبسيديالاردى ءبولۋ ماسەلەلەرىندە ادىلەتتىلىك پەن ءتارتىپتى ورناتۋعا باعىتتالعانى جايىندا پىكىر ءبىلدىردى. ايتا كەتۋ كەرەك, سوڭعى بەس جىل ىشىندە اۋىل شارۋاشىلىعىنىڭ تاۋار وندىرۋشىلەرىن قولداۋعا شامامەن 1 ترلن. تەڭگە بولىنگەن.
سونىمەن قاتار بۇل باستامانى قوعامدىق ۇيىمدارمەن, ساياسي پارتيالارمەن جانە ازاماتتىق بەلسەندىلەرمەن بىرلەسىپ ىسكە اسىرۋ قاجەتتىگىن اتاپ ءوتتى. وسى تۇرعىدا «اۋىل» پارتياسىنىڭ شارۋالاردان كەلىپ تۇسكەن ەسكەرتپەلەرى مەن ۇسىنىستارىن جۇمىس توبىنا ەنگىزگەنىن ايتتى.
«سۋبسيدياعا قاتىستى پروبلەما كوپ. الايدا, كەشەندى تالداۋ جۇرگىزۋ جاپپاي تەكسەرۋگە, تەرگەۋگە جانە قۋدالاۋعا ۇلاسپاسا ەكەن دەگەن تىلەگىمىز بار. سەبەبى, مۇندا مىقتى زاڭگەرلەرى مەن بۋحگالتەرلەرى جوق كىشىگىرىم شارۋالار عانا ۇتىلادى. جالپى, وسى سالانى رەتكە كەلتىرەتىن ۋاقىت كەلدى دەپ ەسەپتەيمىن», دەدى ءا.بەكتاەۆ.
سپيكەر پروبلەمالار تۋرالى ايتا كەلە, بۇگىنگى تاڭدا فەرمەرلەر تاپ بولاتىن ءۇش نەگىزگى ماسەلەنى كورسەتتى – بۇل قارجى قاراجاتىنىڭ جەتىسپەۋشىلىگى, سۋبسيديالار الۋدىڭ كۇردەلى شارتتارى جانە سۋبسيديالار الۋ شارتتارىنىڭ ءجيى وزگەرۋى. مىسالى, سوڭعى بەس جىل ىشىندە سۋبسيديالار ءبولۋ تۋرالى قاعيدالار مەن ەرەجەلەرگە 47 رەت وزگەرىستەر ەنگىزىلدى.
بۇل پروبلەمالار فەرمەرلەردىڭ جۇمىسىنا ايتارلىقتاي قيىندىقتار تۋعىزادى. سوندىقتان باستى مىندەت – سۋبسيديا ءبولۋ.
