بۇل جولى 28 جاستاعى بەلگيالىق سپورتشى تيم مەرليردىڭ («Alpecin-Fenix») مەرەيى ۇستەم بولدى. لوريان مەن پونتيۆي وڭىرلەرى اراسىنداعى 182,9 شاقىرىمدىق قاشىقتىقتى ول 4 ساعات 01 مينۋت 28 سەكۋندتا ءجۇرىپ ءوتتى. بەلگيانىڭ تاعى ءبىر وكىلى يەسپەر فيليپسەن («Alpecin-Fenix») ەكىنشى ورىندى يەلەنسە, فرانتسيالىق ناسەر بۋحانني («Team Arkéa Samsic») ءۇشىنشى ساتىعا جايعاستى. «استانا» كلۋبى مۇشەلەرى اراسىنداعى ەڭ ۇزدىك كورسەتكىش ياكوب فۋلسانگقا تيەسىلى. دانيالىق لەگيونەر ءۇشىنشى كەزەڭدە 16-ورىندى قاناعات تۇتتى.
جالپى ەسەپتە نيدەرلاندتىڭ ۆەلوشاباندوزى ماتە ۆان دەر پۋل («Alpecin-Fenix») الدىنا جان سالماي كەلەدى. ونىڭ كورسەتكىشى – 12:58:53. ەكىنشى جانە ءۇشىنشى ورىنداردا – جيۋليان الافيليپپ («Deceuninck - Quick Step») پەن ريچارد كاراپاس («INEOS Grenadiers»). «استانانىڭ» سەركەسى ياكوب فۋلسانگ 11-ورىندى ەنشىلەۋدە.
