الەم • 29 ماۋسىم، 2021

ددسۇ الەمدە تاعى ءبىر لوكداۋن بولۋى مۇمكىن ەكەنىن ەسكەرتتى

51 رەت كورسەتىلدى

دۇنيەجۇزىلىك دەنساۋلىق ساقتاۋ ۇيىمىنىڭ (ددسۇ) رەسەيدەگى رەسمي وكىلى مەليتا ۆۋينوۆيچ كوروناۆيرۋستىڭ «دەلتا-پليۋس» شتامى لوكداۋننىڭ تاعى ءبىر تولقىنىن تۋدىرۋى مۇمكىن ەكەنىن مالىمدەدى، دەپ حابارلايدى Egemen.kz.

«ۆاكتسيناتسياعا قوسا ماسكا رەجيمى قاجەت، ويتكەنى «دەلتاعا» ۆاكتسينا جەتكىلىكسىز. قازىر قىسقا ۋاقىت ىشىندە وسىعان كۇش سالۋ كەرەك، ايتپەسە لوكداۋن»، دەدى ۆۋينوۆيچ «سولوۆەۆ Live» YouTube-ارناسىنىڭ ەفيرىندە.

ونىڭ ايتۋىنشا، ۆاكتسيناتسيا قاجەت. ويتكەنى ول ۆيرۋستىڭ تارالۋىن جانە اۋرۋدىڭ اۋىر ءوتۋ مۇمكىندىگىن ازايتادى.

«تەك ۇجىمدىق يممۋنيتەت پەن ۆيرۋستىڭ تاراۋىن تەجەۋ. بۇل ءتىپتى ازايتۋ ءۇشىن قوسىمشا شارالار قاجەت بولادى دەگەندى بىلدىرەدى»، دەدى ددۇ وكىلى.

ۆۋينوۆيچ «دەلتا-پليۋس» شتامىمەن بايلانىستى جاعداي الاڭداتارلىق ەكەنىن ايتتى. سەبەبى، ۆيرۋس تەز تارالادى.

«دەلتا» شتامى كوپ جاسۋشاعا اسەر ەتەدى. ادام كوپ ادامعا جۇقتىرۋى مۇمكىن جانە وتە تەز. ءالى شىڭى بولعان جوق، ۆيرۋس جىلدام تاراپ بارادى»، دەپ قورىتىندىلادى ول.

ءۇندىستاندا «دەلتا» شتامى بىلتىر قازاندا انىقتالعان بولاتىن. شتامم بۇكىل الەمگە تارالدى، ونىڭ ىشىندە ول قازاقستانعا دا جەتتى. 20 ماۋسىمدا ءۇندىستان بيلىگى «دەلتا-پليۋس» دەپ اتالاتىن «دەلتا» شتامىنىڭ مۋتاتسياسى انىقتالعانىن حابارلادى. جاڭا شتامم بۇرىنعىعا قاراعاندا تەز تارالادى. سونداي-اق عالىمدار «دەلتا-پليۋس» انتيدەنەلەر جاساعان قورعانىستى جەڭە الاتىنىن مويىندادى.

سوڭعى جاڭالىقتار

ۇقساس جاڭالىقتار