كوروناۆيرۋس • 29 ماۋسىم، 2021

ۆاكتسينالاۋدىڭ ارقاسىندا ەپيد احۋال ۋشىققان جوق – الەكسەي تسوي

331 رەت كورسەتىلدى

سوڭعى اپتادا ۆاكتسيانالاۋدىڭ قارقىن الۋى كوروناۆيرۋستىڭ تارالۋىن تەجەگەن. دەنساۋلىق ساقتاۋ ءمينيسرى الەكسەي تسوي ۇكىمەت وتىرىسىندا وسىلاي دەدى، دەپ حابارلايدى Egemen.kz.

«ەلىمىزدە كەيىنگى كەزدە ۆاكتسينالاۋ قارقىنى ارتىپ كەلەدى. وتكەن اپتادا ۆاكتسينا سالدىرعانداردىڭ سانى 250 مىڭ ادامنان 405 مىڭ ادامعا وسكەن. ءبىز ۆاكتسينالاۋدىڭ تيىمدىلىگىنە تالداۋ جاساپ كوردىك. ءساۋىر ايىنان باستاپ ماۋسىمعا دەيىن ەكپە العاندار سانىنىڭ 1،3 ملن ادامنان 3،2 ملن ادامعا دەيىن ءوسۋى ىندەت جۇقتىرۋ جاعدايلارىن ەكى ەسە ازايتقانى بايقالادى. وسىعان بايلانىستى دەلتا شتامى انىقتالعان كۇننىڭ وزىندە ۆاكتسينالاۋ ەپيدەميولوگيالىق احۋالدىڭ جاقسارۋىنا جاعىمدى اسەر ەتىپ جاتقانىن ايتۋ قاجەت»، دەدى الەكسەي تسوي ۇكىمەت وتىرىسىندا.

ءمينيستردىڭ سوزىنە قاراعاندا بۇگىنگە دەيىن قازاقستاندىقتار 5،2 ملن دوزا ۆاكتسينا نى پايدالانعان، ونىڭ ىشىندە 1-كومپونەنتى بويىنشا 3 246 795 ادام نەمەسە ءتيىستى حالىقتىڭ 32،8% ەكپە العان. ەكىنشى كومپونەنتپەن 1 954 372 ادام قامتىلعان.

سوڭعى جاڭالىقتار

اسىل اعانىڭ شاراپاتى

رۋحانيات • بۇگىن، 00:08

قۇيماقۇلاق

رۋحانيات • كەشە

گاز باعاسى نەگە قىمبات؟

ايماقتار • كەشە

ۇقساس جاڭالىقتار