ەكونوميكا • 29 ماۋسىم، 2021

تاڭبالاۋدى ەنگىزۋ كەيىنگە شەگەرىلدى

55 رەت كورسەتىلدى

وسى جىلدىڭ 1 شىلدەسىندە قازاقستاندا اياقكيىمدى مىندەتتى تسيفرلىق تاڭبالاۋ ەنگىزىلۋگە ءتيىس ەدى. الايدا ونىڭ ۋاقىتى 1 قا­راشاعا شەگەرىلىپ وتىر. سالا وكىلدەرىمەن بولعان كەڭەستىڭ قورىتىندىسى بويىنشا وسىنداي شەشىم قابىلداندى.

وسىلايشا، 2021 جىلعى 1 قا­راشادان باستاپ تاڭبالانباعان اياق­كيىمدى وندىرۋگە جانە ەل اۋما­­عىنا اكەلۋگە تىيىم سالى­نادى. ال بولشەك ساۋدا وكىل­دەرى تاڭبا­لان­باعان تاۋار قال­دىقتارىن 2022 جىل­دىڭ 1 قارا­شاسىنا دەيىن ساتىپ ۇلگەرۋى كەرەك.
جوعارىدا ايتقانىمىزداي، اياقكيىمدى مىندەتتى تسيفرلىق تاڭبالاۋ 2021 جىلدىڭ شىل­دە­سىندە ەنگىزىلەدى دەپ جوس­پار­لانعان. الايدا يمپورت­تاۋشىلاردىڭ كوبى كۇز-قىس ماۋ­سىمىنا ار­نالعان تاۋارلارعا شەتەلدىك وندىرۋشىلەردەن الدىن الا جارتى جىلعا ەرتەرەك تاپسىرىس بەرەدى. سوندىقتان كوكتەمدە تاپسىرىس بەرىلگەن تاڭبالانباعان اياقكيىمدەر 1 شىلدەگە دەيىن قازاقستان شەكاراسىنان وتپەي قالۋ مۇمكىن دەگەن قاۋىپ تۋىنداعان ەدى.
– ەندى نارىقتا جاڭا نور­مالارعا مۇقيات دايىندالۋ ءۇشىن تاعى بەس اي جانە تاڭ­بالانباعان تاۋارلاردىڭ قال­دىق­تارىن ساتۋ ءۇشىن ءبىر جىلدان استام ۋاقىت بار. بيزنەس ءۇشىن تاۋلىك بويى تسيفرلىق تاڭ­بالاۋ بويىنشا جەدەل جەلى جۇمىس ىستەيدى. تسيفرلىق ەكونو­ميكانى دامىتۋ ورتالىعى ۇنەمى مامانداندىرىلعان ۆە­بي­نارلار وتكىزەدى، سالا وكىل­دەرىنە جەكە كەڭەستەر بەرەدى. اياقكيىمدى تسيفرلىق تاڭ­با­لاۋ تۋرالى پايدالى اق­پارات markirovka.kz پور­تالىندا بار. سوندىقتان ءاربىر كاسىپ­كەر­دىڭ نارىقتاعى جۇمىس­تىڭ جاڭا ەرەجەلەرىنە مۇقيات دايىن­دالۋ مۇمكىندىگى مەن ۋاقى­تى جەت­كىلىكتى، – دەيدى تسيفر­لىق ەكو­نوميكانى دامىتۋ ورتا­لى­عىنىڭ باس ديرەكتورى بي­كەش قۇرمانعاليەۆا.
مىندەتتى تسيفرلىق تاڭبا­لاۋدى ەنگىزۋگە كەدەن قويمالارى دا دايىندالۋدا. قويما اۋما­عىندا كەدەندىك راسىمدەر كە­زىندە شەتەلدىك زاۋىتتاردا تاڭ­بالانباعان تاۋارعا Data Matrix تسيفرلىق كودى بار ستيكەرلەر نەمەسە ەتيكەتكالار ورناتىلادى.
ەستەرىڭىزگە سالا كەتەيىك، تاۋارلاردى تسيفرلىق تاڭبالاۋ – ەاەو دەڭگەيىندە جۇزەگە اسىرىلاتىن ۇلتارالىق جوبا. اياق­كيىم سالاسى ەلىمىزدە مىندەتتى تسيفرلىق تاڭبالاۋ ەنگىزىلەتىن ال­عاشقى سالالاردىڭ ءبىرى. مۇن­داي شەشىم نارىقتاعى كون­ترا­فاكتى دەڭگەيىن ەسكەرە وتىرىپ قابىلداندى. مەملەكەتتىك كىرىس­تەر كوميتەتىنىڭ دەرەگىنشە، اياقكيىمنىڭ «كولەڭكەلى» نارىعى جالپى كولەمنىڭ شامامەن 48،5 پايىزىنا تەڭ. اياقكيىمنىڭ تسيفر­­لىق تاڭبالانۋى نارىق­تى «اعارتۋعا» جانە ونى كون­ترافاكتىدەن تازارتۋعا ىق­پال ەتەدى. سونىمەن قاتار اتال­عان شارا قوعامدىق باقى­لاۋ­دى كۇ­شەيتۋگە مۇمكىندىك بەرەدى. Naqty Onim ءموبيلدى قوسىمشاسى ار­قى­لى تۇ­تىنۋشىلار تاڭبالانعان تاۋار­دىڭ تۇپنۇسقالىعىن وڭاي تەكسەرە الادى.

سوڭعى جاڭالىقتار

اقجايناق استانا

ەلوردا • كەشە

ديماش پەن دجەكسون

ونەر • كەشە

ۇقساس جاڭالىقتار