سولتۇستىك قازاقستان وبلىسى تجد ءباسپاسوز قىزمەتىنىڭ مالىمەتىنشە, تاڭعى ساعات 8.00 شاماسىندا «112» نومىرىنە پەتروپاۆلداعى 20-ىقشاماۋداننىڭ 45 جاستاعى تۇرعىنى حابارلاسقان. ايەل ساۋساعىنىڭ ءىسىپ, ساقينانىڭ شەشىلمەي جاتقانىن ايتقان. قۇتقارۋشىلار وعان ساناۋلى مينۋتتا كومەك كورسەتتى.
«ساقينانى ايەلگە زيان كەلتىرمەي ابايلاپ شەشۋ قاجەت بولدى. ارنايى قايشىنى قولداندىق. بۇعان دەيىن دە بىرنەشە ايەلگە وسىنداي كومەك كورسەتكەنبىز. ال ءبىر جاعدايدا بالانىڭ ساۋساعىنان ويىنشىق دروتيكتىڭ شىعىرشىعىن كەسىپ الدىق», دەيدى قۇتقارۋشىلار توبىنىڭ جەتەكشىسى وپال جولداسپاەۆ.
