مەيرامحانا, كافە جانە كوفەحانا تۇرىندەگى قوعامدىق تاماقتانۋ وبەكتىلەرى ءۇي-جايدىڭ ىشىندە جۇمىس كۇندەرى 7.00 دەن 20.00 دەيىن تولتىرىلۋى 50%-عا دەيىن, بىراق 30 ورىننان اسىرماي جۇمىس ىستەيدى. سەنبى جانە جەكسەنبى جۇمىسىنا تىيىم سالىنادى, تەك قانا الىپ شىعۋ جانە جەتكىزۋگە رۇقسات بەرىلەدى;
جازعى الاڭدار, تولتىرىلۋى 50%-عا دەيىن, بىراق 50 ورىننان اسىرماي ساعات 07.00 دەن 22.00 دەيىن جۇمىس ىستەۋىنە رۇقسات;
ءسان ورتالىقتارى مەن سالوندارى, شاشتاراز, كوسمەتولوگيا قىزمەتىن كورسەتەتىن مانيكيۋر مەن پەديكيۋر قىزمەتتەرى الدىن الا جازىلۋ بويىنشا قىزمەت كورسەتۋىنە رۇقسات;
ساۋنالار, سپا ورتالىقتارى, باسسەيندەر, سپورت كەشەندەرى, سپورت-ساۋىقتىرۋ ورتالىقتارى جانە يوگا ورتالىقتارىن قوسا العاندا فيتنەس-ورتالىقتارى سەنبى, جەكسەنبى كۇنى جۇمىس ىستەمەيدى;
حقكو ساعات 9.00 دەن 18.00-گە دەيىنگى ۋاقىت بويىنشا شەكتەۋمەن, قوناق ۇيلەر, ساناتوري-كۋرورت ۇيىمدارى, دەمالىس ۇيلەرى/تۋريستتىك بازالار جانە ت. ب. تولتىرىلۋى 80%-دان اسپايتىن كەزدە رۇقسات;
بانكتەر, «قازپوشتا» اق بولىمشەلەرى 9.00 دەن 18.00-گە دەيىن ۋاقىت بويىنشا شەكتەۋمەن جۇمىس ىستەيدى;
سونىمەن قاتار:
– ساۋدا ۇيلەرى, ساۋدا جەلىلەرى ۆاكتسيناتسيا پۋنكتىنىڭ بار-جوعىنا قاراماستان جۇمىس كۇندەرى ساعات 17.00-گە دەيىن (سەنبى, جەكسەنبى كۇندەرى تىيىم سالىنادى);
– ءۇي-جايداعى ويىن-ساۋىق, بۇقارالىق ءىس-شارالار, كونفەرەنتسيالار, فورۋمدار, وتباسىلىق, ەستەلىك ءىس-شارالار (توي, مەرەي-توي, اس بەرۋدى وتكىزۋ) تىيىم سالىنادى;
– تۇنگى جانە ويىن كلۋبتارىنىڭ جۇمىس ىستەۋىنە رۇقسات ەتىلمەيدى.
– Ashyq جوباسىنا قاتىسپايتىن نىساندا كورەرمەندەرى بار سپورتتىق ءىس-شارالاردى وتكىزۋگە تىيىم سالىندى.
– Ashyq جوباسىنا قاتىسپايتىن مادەني وبەكتىلەردىڭ, جەكە, توپتىق دايىندىقتاردى قوسا العاندا كينوتەاترلاردىڭ, تەاترلاردىڭ, كونتسەرت زالدارىنىڭ, فيلارمونيالاردىڭ قىزمەتىنە رۇقسات جوق:
قاۋلى 28 ماۋسىمدا ساعات 00:00-دەن باستاپ زاڭدى كۇشىنە ەنەدى.
