بقو تج دەپارتامەنتىنىڭ ءباسپاسوز قىزمەتى ءمالىم ەتكەنىندەي, وقيعا 25 ماۋسىم كۇنى تەرەكتى اۋدانى اقجايىق اۋىلىندا بولدى.
ساعات 15.45-تە 15 جاسار ءجاسوسپىرىم ۇل شومىلۋعا جابدىقتالماعان جەردەن جايىققا ءتۇسىپ, باتىپ كەتتى.
بقو تج دەپارتامەنتى جەدەل قۇتقارۋ جاساعىنىڭ ىزدەۋ توبى بالانىڭ دەنەسىن ساعات 22.24-تە سۋدان تاۋىپ, شىعاردى. وڭىردە جىل باسىنان بەرى وسىمەن 13 ادام سۋعا كەتسە, سونىڭ تورتەۋى بالالار بولىپ وتىر.
سوڭعى كۇندەرى باتىس قازاقستاندا كۇن قاتتى ىسىپ كەتۋىنە بايلانىستى بقو تج دەپارتامەنتى تۇرعىندارعا سۋداعى قاۋىپسىزدىك ەرەجەلەرىن قاتاڭ ساقتاۋ كەرەكتىگىن ەسكە سالادى.
