– قازىرگى تاڭدا قازاقستاندا ءۇش ميلليونعا جۋىق ادام ۆاكتسينا سالدىردى. بۇگىن مەن دە كوروناۆيرۋسقا قارسى ۆاكتسينا الدىم. بارشا قازاقستاندىقتاردى بەلسەندى تۇردە ۆاكتسيناتسيا جاساتۋعا, ودان قورىقپاۋعا شاقىرامىن. اسىرەسە قازىر ۆيرۋستىڭ جاڭا شتامى پايدا بولعان كەزدە ۆاكتسينا سالعىزۋدىڭ ماڭىزى ەرەكشە. بۇل ءوز دەنساۋلىعىمىز ءۇشىن كەرەك. ءبىز كۇردەلى ۋاقىتتا ءومىر ءسۇرىپ جاتىرمىز. وسى قيىندىقتى بىرلەسىپ ەڭسەرۋگە ءتيىسپىز. بارشاڭىزعا شىن جۇرەكتەن مىقتى دەنساۋلىق پەن باق-بەرەكە تىلەيمىن, – دەدى نۇرسۇلتان نازارباەۆ.
ەسكە سالا كەتەيىك, بۇگىن ەلباسى كوروناۆيرۋسقا قارسى «سپۋتنيك V» ۆاكتسيناسىن سالدىرعان بولاتىن.
