جيىندا كونە قالا احسيكەنتتە جىل سايىن «تۇرىك داۋىسى» اتتى ءان فەستيۆالىن ۇيىمداستىرۋ ۇسىنىلدى. بۇل ءوز كەزەگىندە ءتۇبى ءبىر تۇركىتىلدەس ەلدەردىڭ رۋحاني ءارى مادەني بايلانىسىن ودان ءارى نىعايتا تۇسپەك. قازاقستاننىڭ تاراپى تۋريستىك باعدارلاما كەلەر جىلى ىسكە قوسىلىپ, العاشقى تۋريست ساپارعا شىعۋى مۇمكىن ەكەنىن تىلگە تيەك ەتتى. بۇل شەنگەن ۆيزاسىنىڭ ازيالىق بالاماسى بولادى. الماتىدان حيۋاعا دەيىن باراتىن « ۇلى جىبەك جولى» تۋريستىك مارشرۋتىنا تۇركى كەڭەسىنە مۇشە وزگە ەلدەردى دە قوسۋ جوسپاردا بار. جيىن سوڭىندا وزبەكستاننىڭ قوقان قالاسى تۇركىتىلدەس ەلدەردىڭ العاشقى تۋريستىك استاناسى بولىپ جاريالاندى.
ء«بىزدىڭ تۇركىتىلدەس حالىقتار ءۇشىن جانە ۇلى جىبەك جولىنداعى ەلدەر ءۇشىن «سيلك رواد ۆيزا» وتە ماڭىزدى. سونىمەن قاتار ءارتۇرلى مەملەكەتتەردى قامتيتىن ۆيزا بولعاندىقتان ءاربىر مەملەكەتتىڭ ۇسىنىستارى مەن قولداۋلارى قاجەت بولىپ تۇر. بۇگىنگى كۇنى وتە كوپ جۇمىس ىستەلدى. ءاربىر مەملەكەتتە, سونىڭ ىشىندە وزبەكستاننىڭ سىرتقى ىستەر مينيسترلىگىندە ءبىزدىڭ ۇسىنىستارىمىز جاتىر. بۇگىندە وسى ەكى مەملەكەت بولىپ جانە باسقا دا مەملەكەتتەردىڭ اراسىندا قازىر پىكىرتالاستار بولىپ جاتىر», دەيدى مادەنيەت جانە سپورت ءمينيسترى اقتوتى رايىمقۇلوۆا.
