پرەزيدەنت • 25 ماۋسىم، 2021

بۇقارالىق اقپارات قۇرالدارى سالاسىنداعى پرەزيدەنت سىيلىعىنىڭ يەگەرلەرى انىقتالدى

145 رەت كورسەتىلدى

قازاقستان رەسپۋبليكاسى پرەزيدەنتىنىڭ بۇقارالىق اقپارات قۇرالدارى سالاسىنداعى سىيلىقتارىن بەرۋ، گرانتتارىن تاپسىرۋ جانە العىسىن جاريالاۋ تۋرالى جارلىعى جاريالاندى، دەپ حابارلايدى Egemen.kz اقورداعا سىلتەمە جاساپ.

ەلدىڭ الەۋمەتتىك-ەكونوميكالىق جانە قوعامدىق-ساياسي دامۋىن اقپاراتتىق تۇرعىدان قامتاماسىز ەتۋ ىسىندەگى بۇقارالىق اقپارات قۇرالدارىنىڭ ەلەۋلى ءرولىن ەسكەرە وتىرىپ، قازاقستان رەسپۋبليكاسى پرەزيدەنتىنىڭ بۇقارالىق اقپارات قۇرالدارى سالاسىنداعى سىيلىقتارىن بەرۋ، گرانتتارىن تاپسىرۋ جانە العىسىن جاريالاۋ جونىندەگى قوعامدىق كوميسسيانىڭ ۇسىنىمىن قاراي كەلىپ:

قازاقستان رەسپۋبليكاسى پرەزيدەنتىنىڭ بۇقارالىق اقپارات قۇرالدارى سالاسىنداعى سىيلىقتارى:

زاحارچۋك ۆەرا نيكولاەۆناعا – «حابار 24» تەلەارناسىنىڭ جاڭالىقتار ءبولىمىنىڭ جۇرگىزۋشىسىنە، وتاندىق تەلەجۋرناليستيكانى دامىتۋعا قوسقان ۇلەسى ءۇشىن;

يساباەۆا ساۋلە بوريسقىزىنا – «Qmonitor.kz» جەلىلىك باسىلىمىنىڭ شولۋشىسىنا، ينتەرنەت كەڭىستىگىندە اقپارات تاراتۋ ءىسىن دامىتۋعا قوسقان ۇلەسى ءۇشىن;

قۇتپانباەۆ باقىت جاعىپار ۇلىنا – «قازاق» جانە «شالقار» راديولارىنىڭ الماتى ستۋدياسىنىڭ جەتەكشىسىنە، قازاقستاننىڭ وڭىرلىك ساياساتىن اقپاراتتىق تۇرعىدان قامتاماسىز ەتۋگە قوسقان ۇلەسى ءۇشىن;

ويشىباەۆا جاننات باقتىعۇلقىزىنا – «قازاقستان تەمىر جولى» ۇلتتىق كومپانياسى» اكتسيونەرلىك قوعامىنىڭ باق-پەن جۇمىس دەپارتامەنتىنىڭ باس مەنەدجەرىنە، قازاقستان دامۋىنىڭ وزەكتى ماسەلەلەرىن قامتىعان اقپاراتتىق-تالدامالىق قىزمەتى ءۇشىن بەرىلسىن;

قازاقستان رەسپۋبليكاسى پرەزيدەنتىنىڭ بۇقارالىق اقپارات قۇرالدارى سالاسىنداعى گرانتتارى:

بايعاراەۆ نۇرمۇحامەد يسمان ۇلىنا – «AIQYN» رەسپۋبليكالىق قوعامدىق-ساياسي گازەتىنىڭ باس رەداكتورىنا، باسپا بۇقارالىق اقپارات قۇرالدارىن دامىتۋعا قوسقان ەلەۋلى ۇلەسى ءۇشىن;

نۇراقىن دياس ەرمەك ۇلىنا – «كتك» تەلەارناسىنىڭ اقپاراتتىق باعدارلامالار ديرەكتسياسى ورتالىق رەداكتسياسىنىڭ رەداكتورىنا، قازاقستان تەلەۆيزياسىن دامىتۋعا قوسقان ۇلەسى ءۇشىن;

تولىقباەۆ ماقسات مالىك ۇلىنا – «QAZAQSTAN» ۇلتتىق تەلەارناسى «اشىق الاڭ» قوعامدىق-ساياسي توك-شوۋىنىڭ جۇرگىزۋشىسىنە، قازاقستان رەسپۋبليكاسى پرەزيدەنتىنىڭ قىزمەتىن بەلسەندى تۇردە جان-جاقتى ءتۇسىندىرىپ، جاريالاپ-كورسەتكەنى ءۇشىن;

حاسانوۆ سەرىكبول تىلەپبەرگەن ۇلىنا – «مۇنارا» گازەتىنىڭ باس رەداكتورىنا، قازاقستان جۋرناليستيكاسىن جانە ۇلتتىق بۇقارالىق اقپارات قۇرالدارىن دامىتۋعا قوسقان ەلەۋلى ۇلەسى ءۇشىن تاپسىرىلسىن;

قازاقستان رەسپۋبليكاسى پرەزيدەنتىنىڭ بۇقارالىق اقپارات قۇرالدارى سالاسىنداعى العىسى:

«اقيقات» ۇلتتىق قوعامدىق-ساياسي جۋرنالىنىڭ شىعارماشىلىق ۇجىمىنا – ەلىمىزدىڭ بۇقارالىق اقپارات قۇرالدارىن دامىتۋعا قوسقان ەلەۋلى ۇلەسى ءۇشىن; «ۆەچەرني الماتى» گازەتىنىڭ شىعارماشىلىق ۇجىمىنا – قوعامدىق-ساياسي، الەۋمەتتىك-ەكونوميكالىق جانە مادەني-گۋمانيتارلىق سالالاردىڭ دامۋىن اقپاراتتىق تۇرعىدان قامتاماسىز ەتۋگە قوسقان زور ۇلەسى ءۇشىن;

«قازاق راديولارى» جاۋاپكەرشىلىگى شەكتەۋلى سەرىكتەستىگىنىڭ شىعارماشىلىق ۇجىمىنا – ۇلتتىق راديو سالاسىن دامىتۋعا قوسقان ەلەۋلى ۇلەسى ءۇشىن;

«سارىارقا» تەلەارناسىنىڭ شىعارماشىلىق ۇجىمىنا – وڭىرلىك جۋرناليستيكانى دامىتۋعا قوسقان ۇلەسى ءۇشىن جاريالانسىن.

وسى وكىم بۇقارالىق اقپارات قۇرالدارىندا جاريالانسىن.

قازاقستان رەسپۋبليكاسىنىڭ پرەزيدەنتى ق.توقاەۆ

نۇر-سۇلتان، اقوردا، 2021 جىلعى 25 ماۋسىم

№ 195

 

سوڭعى جاڭالىقتار

شىمكەنتتە كارانتين كۇشەيتىلەدى

ايماقتار • بۇگىن، 15:47

اتوم كولگە ساپار

ايماقتار • بۇگىن، 15:37

قازاقستاندا جاڭا تەلەارنا اشىلدى

قازاقستان • بۇگىن، 11:55

ۇقساس جاڭالىقتار