الەم • 25 ماۋسىم، 2021

رەسەي بالالارعا ارنالعان كوروناۆيرۋسقا قارسى ۆاكتسينانى سىنىقتان وتكىزبەك

13 رەت كورسەتىلدى

12-17 جاس ارالىعىنداعى شامامەن 300 بالا مەن ءجاسوسپىرىم كوروناۆيرۋسقا قارسى «سپۋتنيك V» ۆاكتسيناسىنىڭ كلينيكالىق زەرتتەۋلەرىنە قاتىسادى. جانە ءار جاسقا ارنالعان پرەپاراتتىڭ بەلگىلى ءبىر كونتسەنتراتسياسى تاڭدالادى، بۇل تۋرالى گامالەيا اتىنداعى ورتالىقتىڭ ديرەكتورى الەكساندر گينتسبۋرگ ايتتى، دەپ حابارلايدى Egemen.kz.

«بالالارعا جاسالاتىن زەرتتەۋلەردىڭ ەرەسەكتەرگە جاسالعان كلينيكالىق زەرتتەۋلەردەن ەشقانداي ەرەكشەلىگى جوق، تەك بۇل جاعدايدا «سپۋتنيك V» ۆاكتسيناسىنىڭ كونتسەنتراتسياسى ءار جاسقا ءارتۇرلى بەلگىلەنەدى. ۆاكتسينانىڭ قالاي جۇمىس ىستەيتىنىن باقىلايمىز.

جاناما اسەرلەرى از بولادى دەپ ويلامىن. ەگەر ارالاستىرىلعان دوزا ءتيىمدى بولسا، وسىمەن توقتايمىز. زەرتتەۋلەرگە 12-17 جاس ارالىعىنداعى 350 بالا قاتىسادى دەپ جوسپارلاپ وتىرمىز»، دەدى عالىم.

گينتسبەرگتىڭ ايتۋىنشا، پرەپاراتتىڭ تىركەلۋى شامامەن 20 قىركۇيەككە جوسپارلانىپ وتىر. بۇل – «سپۋتنيك V» ۆاكتسيناسىنىڭ دوزاسى، الايدا تىركەۋ كۋالىگى باسقاشا بولادى»، دەپ ءتۇسىندىردى ول.

بۇدان ەرتە گامەلەيا اتىنداعى ورتالىقتىڭ باسشىسى عالىمداردىڭ دەنساۋلىق ساقتاۋ مينيسترلىگىنە بالالار مەن جاسوسپىرىمدەرگە زەرتتەۋ جاساۋعا رۇقسات الۋ ءۇشىن قاجەتتى قۇجاتتاردى تاپسىرعانىن حابارلاعان. ماسكەۋ قالاسى مەرىنىڭ الەۋمەتتىك دامۋ ماسەلەلەرى بويىنشا ورىنباسارى اناستاسيا راكوۆانىڭ مالىمەتىنشە، جاسوسپىرىمدەر اراسىندا «سپۋتنيك V» ۆاكتسيناسىن سىناۋ شىلدە ايىنىڭ باسىندا باستالماق.

 

 

سوڭعى جاڭالىقتار

شىمكەنتتە كارانتين كۇشەيتىلەدى

ايماقتار • بۇگىن، 15:47

اتوم كولگە ساپار

ايماقتار • بۇگىن، 15:37

قازاقستاندا جاڭا تەلەارنا اشىلدى

قازاقستان • بۇگىن، 11:55

ۇقساس جاڭالىقتار