قازاقستان • 24 ماۋسىم، 2021

اسقار مامين قاراعاندى وبلىسىندا ينۆەستيتسيالىق جوبالاردىڭ ىسكە اسىرىلۋىن تەكسەردى

32 رەت كورسەتىلدى

قاراعاندى وبلىسىنا جۇمىس ساپارى اياسىندا قر پرەمەر-ءمينيسترى اسقار مامين، سونداي-اق الەمدەگى ەڭ ءىرى اۆتوبۋس ءوندىرۋشى «Yutong Group» كومپانياسىنىڭ باسقارما توراعاسى تان يۋيسيان تەلەكوپىر رەجيمىندە ساران قالاسىنداعى زاۋىتتا «Yutong»  ماركالى اۆتوبۋستار مەن ارنايى تەحنيكانى شاعىن توراپتىق ءوندىرۋ (CKD) جەلىسىنىڭ اشىلۋىنا قاتىستى، دەپ حابارلايدى Egemen.kz قر پرەمەر-ءمينيسترىنىڭ ءباسپاسوز قىزمەتىنە سىلتەمە جاساپ.

جوبانى «Qazتehna» جشس ەلىمىزدىڭ اۆتوبۋس پاركىن جاڭارتۋ باعدارلاماسى اياسىندا جۇزەگە اسىرادى. وسى ۋاقىتقا دەيىن زاۋىتتا DKD ءىرى توراپتى ادىسىمەن اۆتوبۋستار شىعارىلدى. CKD شاعىن توراپتى وندىرىستىك جەلىسىن ىسكە قوسۋ زاۋىتتاعى جاڭا جۇمىس ورىندارىنىڭ سانىن 1 مىڭ ادامعا دەيىن ارتتىرۋعا مۇمكىندىك بەرەدى. قۋاتتىلىعى جىلىنا 1200 اۆتوبۋس پەن 500 بىرلىك ارنايى تەحنيكانى قۇرايدى. ءوندىرىستى جەرگىلىكتەندىرۋ دەڭگەيى 50%-دان اسادى.

ۇكىمەت باسشىسى «ساران» يندۋستريالىق ايماعىنىڭ دامۋىمەن، ونىڭ ىشىندە شينا ءوندىرۋ جونىندەگى جوبانىڭ ىسكە اسىرىلۋ بارىسىمەن تانىستى. جوبانى «تاتنەفت» جاق قاتىسۋىمەن «KamaTyresKZ» جشس جۇزەگە اسىرادى. زاۋىتتىڭ قۋاتتىلىعى ءبىرىنشى كەزەڭدە جىل سايىن 3،5 ملن كوپبەيىندى شينانى قۇرايدى، كەيىننەن جىلىنا 9 ملن شيناعا دەيىن جەتكىزىلەدى.

زاۋىت قر اۆتوموبيل ءوندىرىسىن جەرگىلىكتەندىرۋ دەڭگەيىن ارتتىرۋعا جانە شينالاردىڭ يمپورتىن الماستىرۋدى قامتاماسىز ەتۋگە مۇمكىندىك بەرەدى. بۇل رەتتە ءونىمنىڭ 40%-ىن ەكسپورتتاۋ كوزدەلگەن. جوبانى 2022 جىلدىڭ IV توقسانىندا ىسكە اسىرۋ جوسپارلانعان. جوبا قۇنى – 125 ملرد تگ.

زاۋىتتا 1100-دەن استام جاڭا جوعارى بىلىكتى جۇمىس ورىندارى قۇرىلاتىن بولادى. قازىرگى تاڭدا كاسىپورىننىڭ بولاشاق قىزمەتكەرلەرى – نەگىزىنەن ساران قالاسىنىڭ تۇرعىندارى قاتارىنان «تاتنەفت» جاق شينا كاسىپورىندارىندا تاعىلىمدامادان ءوتىپ جاتىر. ا. مامين ولارمەن تەلەكوپىر رەجيمىندە اڭگىمەلەستى.

پرەمەر-مينيسترگە ساران ق. رتب تۇرعىن شاعىن اۋدانىن قالپىنا كەلتىرۋ جۇمىستارىنىڭ بارىسى تۋرالى باياندالدى – 2022 جىلدىڭ سوڭىنا قاراي مۇندا كاسىپورىندار قىزمەتكەرلەرى مەن تۇرعىن ءۇي الۋعا كەزەكتە تۇرعان ادامدار ءۇشىن 510 جالدامالى جانە قىزمەتتىك پاتەردى پايدالانۋعا بەرۋ جوسپارلانىپ وتىر.

قاراعاندى قالاسىندا ۇكىمەت باسشىسى سانيتارلىق-تەحنيكالىق ماقساتتاعى ونىمدەر مەن جىلىتۋ اسپاپتارىن شىعاراتىن «سانتەحپروم» جشس-دا بولدى. كاسىپورىن جىل سايىن 810 مىڭ بىرلىك سانتەحنيكالىق ءونىم –  ۆاننالار، جۋعىشتار، تاباندىقتار مەن رادياتورلار شىعارادى. يمپورتتى الماستىرۋ اياسىندا بولات پانەلدى رادياتورلاردى ءوندىرۋ جەلىسىن جاڭعىرتۋ كوزدەلگەن.

ا. مامين قۋاتتىلىعى جىلىنا 2 ملن توننا كومىر كونتسەنتراتىن قۇرايتىن «Qaz Carbon» جشس بايىتۋ فابريكاسىنىڭ جۇمىسىمەن تانىستى. كاسىپورىن بارلىق قاجەتتى ەكولوگيالىق نورمالارعا ساي كەلەدى.

قاراعاندى وبلىسى بۇقار جىراۋ اۋدانىنىڭ ۇشتوبە اۋىلىندا ۇكىمەت باسشىسى «قاراعاندى-بەكىرە» جشس-دا بولدى. كاسىپورىننىڭ جوبالىق قۋاتى – جىلىنا 5 تونناعا دەيىن ۋىلدىرىق پەن 100 توننا تاۋارلى بەكىرە بالىعى ەتى. 2023 جىلعا دەيىن شىعارىلاتىن ءونىم كولەمىن جىلىنا 20 توننا ۋىلدىرىققا جانە 300-350 توننا بەكىرە بالىعىنىڭ ەتىنە دەيىن ارتتىرۋ جوسپارلانۋدا.

ۇكىمەت باسشىسىنا بالىق پەن اۋىل شارۋاشىلىعى مالىنا ارنالعان تۇيىرشىكتەلگەن بايىتىلعان جاسىل جەمشوپ ءوندىرۋ جانە قايتا وڭدەۋ جونىندەگى قۇراما جەم زاۋىتى قۇرىلىسىنىڭ ينۆەستيتسيالىق جوباسى تانىستىرىلدى. كاسىپورىننىڭ قۋاتتىلىعى جىلىنا 365 مىڭ توننا ءونىمدى قۇرايدى. جوبا قۇنى – 27 ملرد تەڭگە. ىسكە اسىرۋ مەرزىمى – 2021-2022 جىلدار. 1 مىڭعا جۋىق جاڭا جۇمىس ورنى قۇرىلادى.

پرەمەر-مينيستر اقسۋ-ايۋلى جانە گۇلشات كەنتتەرىندە جالپى ۇزىندىعى 363 كم «قاراعاندى – بالقاش»  جانە ۇزىندىعى 583 كم «بالقاش – بۋرىلبايتال – كۇرتى – قاپشاعاي» اۆتوموبيل جولدارىن رەكونسترۋكتسيالاۋ بارىسىمەن تانىستى. ۇكىمەت باسشىسى بيىل اتالعان جوبالاردا قوزعالىستىڭ اشىلۋىن قامتاماسىز ەتۋدى تاپسىردى.

جۇمىس ساپارىنا قاراعاندى وبلىسىنىڭ اكىمى جەڭىس قاسىمبەك، يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ، ەكولوگيا، گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ جانە ت. ب. قاتىستى.

سوڭعى جاڭالىقتار

دوللار قايتا قىمباتتاي باستادى

ەكونوميكا • بۇگىن، 11:47

نۇرحاننىڭ دومبىراسى

ونەر • بۇگىن، 09:05

ءتورت دۇركىن چەمپيون

TOKYO2020 • بۇگىن، 09:04

ءبىر ءوزى – ءبىر مەملەكەت

TOKYO2020 • بۇگىن، 09:00

ءاميان اقشاسىز قالدى

قارجى • بۇگىن، 08:47

ساقتىق تالاپقا ساي ەمەس

كوروناۆيرۋس • بۇگىن، 08:37

Ashyq جوباسىن پايدالانۋشىلار سانى ارتتى

كوروناۆيرۋس • بۇگىن، 08:35

اسكەري دارىگەرلەر كومەككە كەلدى

كوروناۆيرۋس • بۇگىن، 08:28

دايارلىقتارىن جەتىلدىردى

قوعام • بۇگىن، 08:21

«وردالى وتىز ءىس»

تاۋەلسىزدىكتىڭ 30 جىلدىعى • بۇگىن، 08:17

ۇقساس جاڭالىقتار