ايماقتار • 24 ماۋسىم، 2021

ماڭعىستاۋدا ەمشىگە بارعان بالا ءبىر قولىنان ايىرىلدى

18 رەت كورسەتىلدى

ماڭعىستاۋدا ۆەلوسيپەد تەۋىپ ءجۇرىپ قولىن سىندىرىپ العان 8 جاستاعى بالانى اتا-اناسى سىنىقشىعا اپارىپ ەمدەتەمىز دەپ، ءبىر قولسىز قالدىرعان. بۇل تۋرالى الەۋمەتتىك جەلىلەردە اقپارات تارادى، دەپ حابارلايدى Egemen.kz.

«وسىدان 12 كۇن بۇرىن بالام ۆەلوسيپەد تەۋىپ ءجۇرىپ، قولىن سىندىرىپ الادى. سودان ۇيگە جاقىن جەرگە سىنىقشىعا بارىپ، قولىن سالدىردىق. ولار ء«ۇش كۇننەن كەيىن كەلىڭىز، قايتادان ءجىبىن اۋىستىرامىز» دەپ ايتتى. ءۇش كۇننەن كەيىن اۋىستىرىپ بەردى، سوسىن 21 كۇننەن كەيىن كەلۋىم كەرەگىن ايتتى. وسى ارالىقتا بالانىڭ قولى ءىسىپ، كوگەردى. ول «ۋايىمداماڭىز» دەدى. ۇيگە كەلگەن سوڭ ۇلىمنىڭ قولى ءىسىپ، كوگەرىپ، قىزاردى. بىرەر كۇننەن سوڭ، قولىنىڭ ۇشى جايمەندەپ قارايا باستادى. بالام ءوزىن جاقسى سەزىنىپ، تابەتى جاقسى بولىپ جۇرگەندىكتەن ءبارى جاقسى دەپ ويلادىق. بەس-التى كۇن وتكەننەن كەيىن بالا ساۋساقتارىن سەزبەيتىن بولدى. قايتادان سىنىقشىعا اپارسام «بۇلاي بولۋى قالىپتى، ساۋساقتارىنىڭ باسىن مايمەن مايلاڭىز» دەپ قايتارىپ جىبەردى»، دەيدى بالانىڭ اناسى.

ماڭعىستاۋ وبلىستىق بالالار اۋرۋحاناسىنىڭ حيرۋرگى قۇرمان قايرانوۆ قازاقستاندىقتاردى بىلىكتى دارىگەرلەرگە قارالۋعا شاقىردى.

ء«بىزدىڭ بالالار اۋرۋحاناسىنىڭ تراۆموتولوگيا بولىمىنە 17 كۇنى 8 جاستاعى بالا ءتۇستى. اۋرۋحاناعا تۇسكەنگە دەيىن بىلەگىن سىندىرىپ العان، ەمشىلەر قولىنا تىعىز تامشى سالىپ تاستاعان. بىزگە كەلگەندە بالانىڭ جاعدايى وتە اۋىر بولدى، قولىنىڭ باسى قارايىپ، ەتى ءولىپ قالعان، جان جوق. سودان كەيىن ءبىز بارلىق ورتالىققا شىقتىق، كونسۋلتاتسيا جاسادىق، تامىرلى حيرۋرگتەرگە كورسەتتىك. ءبارىنىڭ ايتقان تۇجىرىمداماسى – امپۋتاتسيا. 20 ماۋسىم كۇنى وتا جاسالدى. سىنىقشى، ەمشىگە بارىپ ەم العاندا، سىنعان سۇيەك ءاردايىم ورنىنا كەلە بەرمەيدى. قازىر 21 عاسىر، زامان، تەحنولوگيا دامىپ جاتىر. سوندىقتان ناۋقاستى ەڭ ءبىرىنشى ۋاقىتىلى اۋرۋحاناعا جەتكىزىڭىزدەر»، دەدى مامان.

سوڭعى جاڭالىقتار

شىعىس «قىزىل» ايماقتا

ايماقتار • كەشە

تسيفرلى تەڭگە جوباسى تالقىلاندى

ەكونوميكا • 23 شىلدە، 2021

اقپاراتتىق حابارلاما

ەگەمەن قازاقستان • 23 شىلدە، 2021

ۇقساس جاڭالىقتار