قازاقستان • 24 ماۋسىم، 2021

نۇرلان نىعماتۋلين ماجىلىستەگى Nur Otan فراكتسياسىنىڭ وتىرىسىن وتكىزدى

15 رەت كورسەتىلدى

نۇرلان نىعماتۋلين ماجىلىستەگى Nur Otan فراكتسياسىنىڭ وتىرىسىن وتكىزدى، دەپ حابارلايدى Egemen.kz.

وتىرىستا دەپۋتاتتاردىڭ جازعى كەزەڭدە وڭىرلەرگە شىعۋى مەن «Nur Otan» پارتياسىنىڭ 2025 جىلعا دەيىنگى «وزگەرىستەر جولى: ءار ازاماتقا لايىقتى ءومىر!» اتتى سايلاۋالدى باعدارلاماسىن ورىنداۋدىڭ جول كارتاسىن ىسكە اسىرۋ جايى تالقىلاندى.

نۇرلان نىعماتۋلين اتاپ وتكەندەي، ەلباسى، پارتيا توراعاسى نۇرسۇلتان نازارباەۆ ءاربىر جەكەلەگەن ءوڭىردىڭ پروبلەمالارىن شەشۋمەن جۇيەلى تۇردە اينالىسۋدى، بارلىق الەۋمەتتىك توپتارمەن كەرى بايلانىستى نىعايتۋعا، وزەكتى ماسەلەلەرگە جىلدام كوڭىل ءبولىپ، شەشۋ جولدارىن ۇسىنۋ تۋرالى ناقتى تاپسىرما بەرگەن بولاتىن. ونىڭ ورىندالۋىن قامتاماسىز ەتۋ ءۇشىن دەپۋتاتتار ءاربىر وڭىرلەر بويىنشا بەكىتىلىپ، ۇيلەستىرۋشى توپتار قۇرىلدى.

سونىمەن قاتار ءماجىلىس توراعاسى ايماقتارعا ساپار بارىسىندا قالالار مەن اۋداندار، حالىقتىڭ بارلىق الەۋمەتتىك توپتاردى، شالعايداعى ەلدى مەكەندەردىڭ بارىنشا قامتىلۋى قاجەتتىگىنە توقتالدى.

سونداي-اق پالاتا سپيكەرى پارتيانىڭ «جول كارتاسى» باعدارلاماسىنىڭ مۇقيات ورىندالۋىنا نازار اۋدارىپ، ورىندالۋ بارىسىندا كۇردەلىلىك تۋدىرعان ماسەلەلەردى دەپۋتاتتىق ساۋالدار مەن پارتيانىڭ قوعامدىق كەڭەستەرىنىڭ وتىرىستارىندا جانە پالاتا كوميتەتتەرىنىڭ ءىس-شارالارىندا كوتەرۋدى تاپسىردى.

 

سوڭعى جاڭالىقتار

شىعىس «قىزىل» ايماقتا

ايماقتار • كەشە

تسيفرلى تەڭگە جوباسى تالقىلاندى

ەكونوميكا • 23 شىلدە، 2021

اقپاراتتىق حابارلاما

ەگەمەن قازاقستان • 23 شىلدە، 2021

ۇقساس جاڭالىقتار