سپورت • 24 ماۋسىم، 2021

EURO-2020: شۆەتسيا پولشادان باسىم ءتۇستى

58 رەت كورسەتىلدى

ە توبىنداعى شۆەتسيا مەن پولشا قۇرامالارى اراسىنداعى كەزدەسۋ تارتىسقا تولى جاعدايدا ءوربىدى. ويىن بويى پولياكتاردىڭ دوپقا يەلىك ەتۋ، سوققى باعىتتاۋ تۇرعىسىنان باسىمدىعى بولعانىنا قاراماستان، جەڭىس شۆەد قۇراماسىنا بۇيىردى. ەسەپ 3:2، دەپ حابارلايدى Egemen.kz.

ويىنداعى ەسەپ 2 مينۋتتا-اق اشىلدى. ايىپ الاڭىنداعى قاربالاس ساتىندە ەميل فورسبەرگ الىس بۇرىشتى ءدال كوزدەپ، ۆويتسەح ششەنسنىيعا ەش مۇمكىندىك قالدىرعان جوق.

پولشا قۇراماسى بىرنەشە مارتە شابۋىل جانە قارىمتا شابۋىل دا ۇيىمداستىردى. الايدا ۇمتىلىستارىنىڭ ەشقايسىسى ءساتتى اياقتالعان جوق. پولياكتار ەكىنشى تايمدا دا قارسىلاستارىن تىقسىرا شابۋىلداپ، ولسەن قاقپاسىن ماڭايلاۋمەن بولدى. الايدا تاعى دا ەش ناتيجە شىعارا العان جوق. ەسەسىنە ويىننىڭ 59 مينۋتىندا فورسبەرگ ەكىنشى گولىن سوعىپ شۆەتسيانىڭ ءباسىن بيىكتەتىپ تاستاعان. بىراق اراعا مينۋت سالماستان پولشا قۇراماسى قارىمتا شابۋىلعا ءساتتى شىعىپ، روبەرت لەۆاندوۆسكي شۆەد قورعاۋشىلارى مەن قاقپاشىسىن قاپى قالدىرىپ، دوپتى ءدال توعىزدىققا باعىتتاپ، ەسەپ ايىرماسىن قىسقارتتى. ليدەر لەۆاندوۆسكي 84 مينۋتتا دۋبل اۆتورى اتانىپ، تارازى باسىن تەڭەستىردى.

روبەرتتىڭ بۇل ەرلىگى قۇراماعا كومەكتەسە العان جوق. ءبىر قىزىعى شۆەدتەر دە سوڭعى ءسوزىن ءالى ايتپاعان ەكەن. 94 مينۋتتا ۆيكتور كلاەسسون پولشا قاقپاسىنان ساڭىلاۋ تاۋىپ، كەزدەسۋ نۇكتەسىن قويدى.

بۇل توپتان شۆەتسيا قۇراماسى بەس ۇپاي جيناپ، ءبىرىنشى ورىنمەن پلەي-وففقا شىقتى. يسپانيا قۇراماسى دا 5 ۇپاي جينادى. الايدا دوپ ايىرماشىلىعى بويىنشا شۆەدتەرگە جول بەردى.

سوڭعى جاڭالىقتار

دوللار قايتا قىمباتتاي باستادى

ەكونوميكا • بۇگىن، 11:47

نۇرحاننىڭ دومبىراسى

ونەر • بۇگىن، 09:05

ءتورت دۇركىن چەمپيون

TOKYO2020 • بۇگىن، 09:04

ءبىر ءوزى – ءبىر مەملەكەت

TOKYO2020 • بۇگىن، 09:00

ۇقساس جاڭالىقتار