سپورت • 24 ماۋسىم، 2021

EURO-2020:پلەي-وفف كەزەڭىنە شىققان كەزەكتى قۇرامالار انىقتالدى

49 رەت كورسەتىلدى

توپتىق كەزەڭنىڭ III تۋر ويىندارى اياسىندا ە توبىنىڭ قۇرامالارى ءوزارا كەزدەسىپ، پلەي-وفف كەزەڭىنە بەرىلەتىن جولدامالارعا تالاستى. سەۆيليادا كەزدەسكەن سلوۆاكيا مەن يسپانيا قۇرامالارى اراسىنداعى ماتچ 0:5 ەسەبىمەن الاڭ يەلەرىنىڭ پايداسىنا شەشىلدى، دەپ حابارلايدى Egemen.kz.

كەزدەسۋدە ءا دەگەننەن لۋيس ەنريكە شاكىرتتەرىنىڭ باسىمدىعى بايقالىپ تۇردى.

ەۋروپا چەمپيوناتىن 2، الەم چەمپيوناتىن 1 مارتە جەڭىپ العان يسپانيا قۇراماسى قازىر 90 پايىزعا جاڭارعان. كونە كوزدەردەن سەرحيو بۋسكەتس، جوردي البا، الۆارو موراتالار عانا قالعان. بۇگىنگى كەزدەسۋدە ۇشەۋى دە ءبىرىنشى مينۋتتان الاڭعا شىقتى.

ويىننىڭ 30 مينۋتىندا سلوۆاكيا قۇراماسىنىڭ قاقپاشىسى مارتين دۋبراۆكا ءوز قاقپاسىنا گول سوعىپ الدى. ال ءبىرىنشى تايم تۇگەسىلەر تۇستا ەمەريك لياپورت گول سوعىپ، ءوز كومانداسىنا تۇبەگەيلى باسىمدىق سىيلادى. يسپانيا قۇراماسى مۇنىمەن دە توقتاپ قالعان جوق. 56 مينۋتتا پابلو سارابيا گول سوعىپ، سلوۆاكيا قۇراماسىن جەڭىستىڭ اۋىلىنان الىستاتىپ تاستادى. الدىڭعى ەكى تۋردا ايتارلىقتاي ازۋىن كورسەتپەگەن يسپانيا وسى جولى بار ونەرىن پاش ەتكەندەي. 67 مينۋتتا فەرران توررەس كومانداسىنىڭ ءتورتىنشى دوبىن سالدى. 71 مينۋتتا يۋراي كۋتسكا ءوز قاقپاسىنا گول سوعىپ الدى.

بۇل توپتان شۆەتسيا قۇراماسى بەس ۇپاي جيناپ، ءبىرىنشى ورىنمەن پلەي-وففقا شىقتى. يسپانيا قۇراماسى دا 5 ۇپاي جينادى. الايدا دوپ ايىرماشىلىعى بويىنشا شۆەدتەرگە جول بەردى. سلوۆاكيا قۇراماسى توپتاعى ءۇشىنشى ورىن العان كوماندا رەتىندە پلەي-وفف كەزەڭىنەن ۇمىتتەنەدى.

سوڭعى جاڭالىقتار

دوللار قايتا قىمباتتاي باستادى

ەكونوميكا • بۇگىن، 11:47

نۇرحاننىڭ دومبىراسى

ونەر • بۇگىن، 09:05

ءتورت دۇركىن چەمپيون

TOKYO2020 • بۇگىن، 09:04

ۇقساس جاڭالىقتار