قازاقستان • 23 ماۋسىم، 2021

«قازاقستان بارىسىنا» – 10 جىل

62 رەت كورسەتىلدى

قازاقستان رەسپۋبليكاسىنىڭ تۇڭعىش پرەزيدەنتى - ەلباسى ن.ءا.نازارباەۆتىڭ جۇلدەسى ءۇشىن قازاق كۇرەسىنەن «قازاقستان بارىسى» رەسپۋبليكالىق ءتۋرنيرى ونىنشى رەت اعىمداعى جىلدىڭ 4 شىلدە كۇنى نۇر-سۇلتان قالاسى، جاقسىلىق ۇشكەمپىروۆ اتىنداعى جەكپە-جەك سارايىندا وتەدى، دەپ حابارلايدى Egemen.kz.

ءداستۇرلى تۋرنير قازاقستان رەسپۋبليكاسى تاۋەلسىزدىگىنىڭ 30 جىلدىعى، قاجىمۇقان مۇڭايتپاس ۇلىنىڭ  150 جىلدىعىن مەرەكەلەۋ جانە ۇلتتىق سپورت تۇرلەرىن دامىتۋ ارقىلى سالاۋاتتى ءومىر سالتىن قالىپتاستىرۋ، جاستاردى ۇلتتىق سپورت تۇرلەرىمەن شۇعىلدانۋعا تارتۋ ارقىلى ولاردىڭ بويىندا وتانسۇيگىشتىك سەزىمدى قالىپتاستىرۋ ماقساتتارىن جۇزەگە اسىرادى.   

Qazaq kuresi اسسوتسياتسياسىنىڭ سپورتتى دامىتۋ ديرەكتورى ءسابيتوۆ باقداۋلەت «قازاقستان بارىسى» جوباسىنىڭ ون جىل كولەمىندە ءجۇرىپ وتكەن جولىنا شولۋ جاسادى. سونداي-اق، نۇر-سۇلتان، الماتى، شىمكەنت قالالارى مەن وبلىستاردا وتكەن ىرىكتەۋ جارىستارىنان 37 بالۋان جولداماعا يە بولعانىن ايتىپ ءوتتى.

«قازاقستان بارىسى» ءتۋرنيرىنىڭ بيىلعى جۇلدە قورى وزگەرىسسىز. جەڭىمپاز اتانعان بالۋانعا 25 000 000 تەڭگە جانە التىن بەلبەۋ مەن التىننان قۇيىلعان اۋىسپالى «تايتۇياق» تابىستالادى. ەكىنشى ورىنعا 5 500 000 تەڭگە جانە ءۇشىنشى ورىنعا 1 800 000 تەڭگە، سايكەسىنشە كۇمىس جانە قولا بەلبەۋلەرمەن ماراپاتتالادى.

قر مسم سپورت جانە دەنە شىنىقتىرۋ كوميتەتىنىڭ ۇلتتىق سپورت جانە سپورتتا مۇمكىندىگى شەكتەۋلى تۇلعالارمەن جۇمىس باسقارماسىنىڭ باسشىسى  ماحامبەتوۆ مەيرامبەك ءوز كەزەگىندە قازاقستاندىقتاردى وسىنداي ۇلتتىق جوبانىڭ مەرەيلى مەرەكەسىمەن قۇتتىقتادى. ال، Qazaq kuresi اسسوتسياتسياسىنىڭ باس ديرەكتورى يمامباەۆ سامات ەلىمىزدەگى قازاق كۇرەسىنىڭ كاسىبي نەگىزدە دامۋىن، الەمدىك ارەناداعى ورنىن قالىپتاستىرۋ قادامدارىن اتاپ كەتتى. جوبانىڭ ءۇش دۇركىن جەڭىمپازى بەيبىت ىستىباەۆ  «قازاقستان بارىسى» جوباسىنىڭ جاس ۇرپاققا، سپورتشىلارعا دەگەن ەرەكشە اسەرىنە توقتالدى.

«Qazaqstan Barysy» قازاق كۇرەسىن قولداۋ جانە دامىتۋ قورىنىڭ اتقارۋشى ديرەكتورى ۋرازالين سەرىكبول: «اقتىق فينالعا جولداما العان 37 بالۋاننىڭ 11-ءى العاش رەت باق سىنايدى، سول ءۇشىن دە بيىلعى تۋرنيردە ءبىز «قازاقستان بارىسى» جوباسىنىڭ جاڭعىرۋ جولىنا كۋا بولامىز» دەدى.

ءتۋرنيردى «Nur Otan» پارتياسى، قر مادەنيەت جانە سپورت مينيسترلىگى، نۇر-سۇلتان قالاسى اكىمدىگىنىڭ قولداۋىمەن، «Qazaqstan Barysy» قازاق كۇرەسىن قولداۋ جانە دامىتۋ قورى مەن Qazaq kuresi اسسوتسياتسياسى ۇيىمداستىرۋدا.     

نۇر-سۇلتان قالاسىنىڭ قىزىل ايماقتا بولۋىنا بايلانىستى، 20 پايىز كورەرمەنگە رۇقسات ەتىلگەن. بيلەتتەر zakazbiletov.kz سايتىندا ساتىلادى. جانكۇيەرلەر ءتۋرنيردى Qazaqstan  جانە Qazsport  تەلەارنالارى ارقىلى تىكەلەي ەفيردەن كورە الادى. رەسمي سالماق ولشەۋ ءراسىمى 2 شىلدە، ساعات 19.00- دە «حان شاتىر» سوسو بەلگىلەنىپ وتىر.

سوڭعى جاڭالىقتار

دوللار قايتا قىمباتتاي باستادى

ەكونوميكا • بۇگىن، 11:47

نۇرحاننىڭ دومبىراسى

ونەر • بۇگىن، 09:05

ءتورت دۇركىن چەمپيون

TOKYO2020 • بۇگىن، 09:04

ءبىر ءوزى – ءبىر مەملەكەت

TOKYO2020 • بۇگىن، 09:00

ۇقساس جاڭالىقتار