ايماقتار • 23 ماۋسىم، 2021

اسىلدىڭ اسىل ارمانى ورىندالدى

616 رەت كورسەتىلدى

23 ماۋسىم – قازاقستان پوليتسياسى كۇنىنە وراي شىعىستىڭ باس پوليتسەيى قۇقىق قورعاۋ سالاسىندا ەڭبەك ەتۋدى ماقسات ەتكەن 14 جاستاعى اسىل سەرىكتىڭ ارمانىن ورىندادى، دەپ حابارلايدى Egemen.kz.

اسىل ماقساتىنا جەتۋ ءۇشىن باستاۋىش سىنىپتا وقىپ جۇرگەندە-اق نىق  قادامدار جاساي باستاعان. ول مەكتەپ تابالدىرىعىن اتتاعان كۇننەن ساباقتى ۇزدىك وقىپ كەلەدى. سپورتتى جانىنا سەرىك ەتكەن. بوكس جانە دزيۋدومەن اينالىسادى، پوليتسيانىڭ  كىشكەنتاي كومەكشىسى، جول قوزعالىسىنىڭ ينسپەكتورى.

كىشكەنتايىنان پوليتسيا قىزمەتىنە شىن قىزىعۋشىلىق تانىتقان اسىل سەرىك ساقشىلاردىڭ ءبىر كۇنىن باسىنان كەشتى. ول الدىمەن كينولوگيالىق قىزمەت ورتالىعىنا بارىپ، قىزمەتتىك يتتەردىڭ ىزگە ءتۇسىپ، قىلمىسكەرلەردى قالاي ۇستايتىنىنا كۋا بولدى. كريميناليستىڭ جۇمىسىمەن تانىسىپ، جابدىقتالعان وقۋ پوليگونىندا شارتتى تۇردەگى كۇدىكتىلەردىڭ ساۋساق ىزدەرىن الدى. ارنايى جاساقتىڭ قويان-قولتىق شايقاسىن قىزىقتاعان سوڭ جول قاۋىپسىزدىگىن قامتاماسىز ەتەتىن پاترۋلدىك پوليتسيا كەيپىنە دە ەندى.

تاباندى، ەڭبەكقور جاس ءۇشىن قۋانىشتى ءسات – پوليتسيا دەپارتامەنتىنىڭ باستىعى ساعات ماديەۆپەن كەزدەسۋ ەدى. باس پوليتسەي دەپارتامەنت مۋزەيىن ارالاتىپ، جادىگەرلەرمەن تانىستىردى. اسىل مۋزەي سورەلەرىندەگى قىلمىسكەرلەردىڭ قارۋلارىن قولىمەن ۇستاپ كوردى.

ارمانىنا ءبىر تابان جاقىنداعان اسىل ءۇشىن بۇل كۇن ەستەن كەتپەس ەرەكشە ساتتەرگە تولى بولدى. ول ءوزىن ناعىز پوليتسيا قىزمەتەرى سەزىندى. قۋانىشتى كۇن ءجاسوسپىرىمنىڭ ەسىندە ماڭگى قالۋ ءۇشىن شقو پد باستىعى ساعات ماديەۆ وعان كومانديرلىك ساعات تابىستاپ، بولاشاق پوليتسيا قىزمەتكەرىنىڭ  اتا-اناسىنا ۇلكەن العىسىن ءبىلدىردى.

 

شىعىس قازاقستان وبلىسى

سوڭعى جاڭالىقتار

اقتاۋدا شارشى الاڭعا كىمدەر شىعادى؟

كاسىپقوي بوكس • بۇگىن، 14:52

اتىراۋدا ەپيدجاعداي ءالى دە كۇردەلى

كوروناۆيرۋس • بۇگىن، 13:50

تۇركىستاندا ۇشەم دۇنيەگە كەلدى

ايماقتار • بۇگىن، 12:50

ەرتەڭ ۇكىمەت وتىرىسى وتەدى

ۇكىمەت • بۇگىن، 11:31

ۇقساس جاڭالىقتار