كورول سارايىنداعى اۋديەنتسيا بارىسىندا قازاقستاندىق ديپلومات سۇحباتتاسۋشىعا پرەزيدەنت قاسىم-جومارت توقاەۆ پەن تۇڭعىش پرەزيدەنت - ەلباسى نۇرسۇلتان نازارباەۆتىڭ جىلى لەبىزدەرىن جەتكىزدى.
ەلشى پرەزيدەنت ق. توقاەۆ باستاعان ساياسي جانە ەكونوميكالىق رەفورمالار, قازاقستاننىڭ حالىقارالىق باستامالارى تۋرالى ايتتى, سونداي-اق كورول فيليپپپەن جانە ونىڭ اكەسى كورول البەرت II-مەن جىلى دوستىق قاتىناستا بولعان ن. نازارباەۆتىڭ قازاقستان-بەلگيالىق ىنتىماقتاستىقتى قالىپتاستىرۋداعى تاريحي ءرولىن اتاپ ءوتتى.
ءوز كەزەگىندە, كورول فيليپپ پرەزيدەنت ق. توقاەۆ پەن ەلباسى ن. نازارباەۆقا جانە بارشا قازاقستاندىقتارعا يگىلىك تىلەدى.
تاراپتار قازاقستان مەن بەلگيا اراسىنداعى ساياسي, ساۋدا-ينۆەستيتسيالىق ىنتىماقتاستىقتىڭ نەگىزگى ماسەلەلەرىن تالقىلادى, پاندەميامەن كۇرەسۋ جانە حالىقتى ەگۋ تاجىريبەسىمەن ءبولىستى. سۇحباتتاسۋشىلار, سونىمەن قاتار, اۋىل شارۋاشىلىعى, ەنەرگەتيكا جانە جاڭارتىلاتىن ەنەرگيا كوزدەرى سالالارىنداعى ىنتىماقتاستىق پەرسپەكتيۆالارىن اتاپ ءوتتى.
جۇزدەسۋ سوڭىندا ەلشى ەكىجاقتى جانە كوپجاقتى ىنتىماقتاستىق شەڭبەرىندە بەلگيامەن قارىم-قاتىناستى دامىتۋعا بار كۇش-جىگەرىن سالۋعا دايىن ەكەندىگىن ءبىلدىردى.
