ەكونوميكا • 23 ماۋسىم، 2021

قازاقستاندا جاڭا تۇرعىن ءۇي باعدارلاماسىن ىسكە قوسۋ ۇسىنىلدى

38 رەت كورسەتىلدى

ءماجىلىس دەپۋتاتى ايقىن قوڭىروۆ قازاقستاندىقتارعا جەكە تۇرعىن ءۇي قۇرىلىسىن دامىتۋعا باعىتتالعان باعدارلاما كەرەگىن ايتتى، دەپ حابارلايدى  Egemen.kz.

پارتيا وكىلدەرى پرەمەر-ءمينيستردىڭ ورىنباسارى رومان سكليارعا دەپۋتاتتىق ساۋال جولدادى. ماجىلىسمەندەردىڭ پىكىرىنشە، ەلدەگى تۇرعىن ءۇي جاعدايىن جاقسارتۋ ءۇشىن زەينەتاقى جيناعىن پايدالانۋ جونىندەگى جوبانىڭ ارالىق ناتيجەسىن قورىتىندىلاۋ قاجەت.

«313 مىڭنان اسا ازاماتتىڭ ارنايى شوتىنا 1 تريلليون 400 ميلليارد تەڭگەدەن اسا قاراجات اۋدارىلدى. ولاردىڭ ءبارى زەينەتاقى جيناعىنان پايدا كوردى. بۇل جوبا بۇكىل ەكونوميكاعا اسەر ەتتى. وسى تۇرعىدان العاندا، ەكونوميكالىق پايدا كوبىنە ەكى مەگاپوليستەگى قۇرىلىس سالۋشىلار، بانكتەر مەن يمپورتتاۋشىلارعا تۇسكەنىن كورىپ وتىرمىز. بىراق حالىقتىڭ تۇرعىن ۇيگە قول جەتكىزۋى ءالى دە قيىن، بۇل جۇيەلىك پروبلەما شەشىلمەي قالدى. قوعامدا تۇرعىن ۇيدەگى ءبولىنىس تەك ناشارلادى»، دەدى ايقىن قوڭىروۆ ءماجىلىس وتىرىسىندا.

دەپۋتاتتىڭ ايتۋىنشا، تۇرعىن ءۇي مەن قۇرىلىس ماتەريالدارى باعاسىنىڭ وسۋىنە بايلانىستى جاعىمسىز جاناما اسەرلەر قاتتى ىقپالىن تيگىزدى. بۇل ينفلياتسيانىڭ جالپى ۇدەۋىنە دە اسەر ەتكەن.

قوڭىروۆ زەينەتاقى ناۋقانى باستالعاننان بەرى ەلدەگى پاتەرلەردىڭ باعاسى 8،3 پايىزعا وسكەنىن ەسكە سالدى. 2020 جىلدىڭ مامىرىنان 2021 جىلدىڭ مامىرىنا دەيىن ءوسىم شامامەن 22 پايىز بولعان.

ايقىن قوڭىروۆتىڭ سوزىنشە، مۇنىڭ سالدارىنان ينفلياتسيا حالىقتىڭ بارلىق توبىنا اسەر ەتكەن، ال زەينەتاقى جيناعىن تۇرعىن ءۇي الۋ ءۇشىن قولدانعاندار سانى وسى ۋاقىتقا دەيىن حالىقتىڭ ەكى پايىزىنا دا جەتپەگەن.

«مەملەكەت ارەكەت ەتەدى، بىراق ادەتتەگىدەي كەشىگىپ قالادى. مونوپولياعا قارسى اگەنتتىك باعالاردى رەتتەۋگە تىرىسىپ جاتىر، بىراق بجزق-دان الىنعان قاراجاتتىڭ تاۋسىلۋىنا بايلانىستى باعانىڭ ءوسۋى تابيعي تۇردە باياۋلاپ كەلەدى. وسىلايشا، تۇرعىن ءۇي جاعدايىن جاقسارتۋ ءۇشىن زەينەتاقى جيناعىن پايدالانۋ جونىندەگى جوبانى جالعاستىرا وتىرىپ، ەكىنشى كەزەڭدە قوسىمشا جۇيەلى شارالار قوسۋ ماڭىزدى دەپ سانايمىز. بۇل شارالار جەكە توپتارعا ەمەس، بۇكىل قوعامعا ارنالۋى كەرەك. شارشى مەتردى جالپى پايدالانۋعا بەرۋ تيىمدىلىكتى باعالاۋ كريتەريى رەتىندە ەسكىرگەن جانە شىندىقتى كورسەتپەيدى. بۇل «ينۆەستيتسيالىق كوپىرشىك» الىپ كەلدى جانە كوپتەگەن ازاماتتىڭ تۇرعىن ءۇي ماسەلەسىن شەشپەيدى»، دەدى دەپۋتات.

قازاقستان حالىق پارتياسىنىڭ فراكتسياسى دەپۋتاتتىق ساۋالىندا «مەملەكەت قازاقستاندىقتاردىڭ باسىم كوپشىلىگىن ساپالى جانە قولجەتىمدى تۇرعىن ۇيمەن قامتاماسىز ەتۋدى باستى ماسەلە قىلۋى تيىس» دەگەن پىكىر ءبىلدىردى.

ء«بىزدىڭ ازاماتتارىمىزعا جەكە تۇرعىن ءۇي قۇرىلىسىن دامىتۋعا باعىتتالعان «جەر ءۇي» باعدارلاماسى قاجەت. «قازاقستاننىڭ حالىق پارتياسى» فراكتسياسى ۇكىمەتكە جتق ءۇشىن جەر ۋچاسكەلەرىن ينفراقۇرىلىممەن قامتاماسىز ەتۋ ءۇشىن ويعا قونىمدى قۇرال - مەملەكەت كەپىلدىك بەرەتىن وبليگاتسيالار شىعارۋ جانە وعان بجزق قاراجاتىن ينۆەستيتسيالاۋدى ۇسىنادى. بۇل كوپتەگەن قازاقستاندىقتىڭ ءوز ءۇيىن سالۋ ءۇشىن جەر ۋچاسكەلەرىنە قۇقىعى مەن ارمانىن ىسكە اسىرۋعا، ينفراقۇرىلىمى بار اۋماقتار جوق دەگەن پروبلەمانى شەشۋگە جانە ەڭ باستىسى، تۇرعىن ءۇي سالاسىنداعى جاعدايدى تۇبەگەيلى وزگەرتۋگە مۇمكىندىك بەرەدى. «جەر ءۇي» جتق دامىتۋ باعدارلاماسىمەن بىرگە قاجەتتى قۇرىلىس جانە ارلەۋ ماتەريالدارىنىڭ، ىلەسپە تاۋارلار مەن كورسەتىلەتىن قىزمەتتەردىڭ وتاندىق ءوندىرىسىن دامىتۋ جونىندەگى شارالار اتقارىلۋى كەرەك»، دەپ ۇسىندى ايقىن قوڭىروۆ. 

سوڭعى جاڭالىقتار

دوللار قايتا قىمباتتاي باستادى

ەكونوميكا • بۇگىن، 11:47

نۇرحاننىڭ دومبىراسى

ونەر • بۇگىن، 09:05

ءتورت دۇركىن چەمپيون

TOKYO2020 • بۇگىن، 09:04

ءبىر ءوزى – ءبىر مەملەكەت

TOKYO2020 • بۇگىن، 09:00

ءاميان اقشاسىز قالدى

قارجى • بۇگىن، 08:47

ۇقساس جاڭالىقتار