ايماقتار • 22 ماۋسىم، 2021

قاراعاندى قالاسىنىڭ اۋەجايى مەن تەمىرجول ۆوكزالىنا Ashyq ەنگىزىلدى

8 رەت كورسەتىلدى

قاراعاندى قالاسىنىڭ اۋەجايى مەن تەمىرجول ۆوكزالىندا Ashyq قوسىمشاسى قولدانىلا باستادى، دەپ حابارلايدى Egemen.kz.

عيماراتتاردىڭ ىشىنە جۇيەدە «جاسىل» نەمەسە «كوك» مارتەبەسى بار جولاۋشىلار مەن شىعارىپ سالۋشىلار كىرە الادى. «سارى» جانە «قىزىل» مارتەبەلەر بولعان جاعدايدا ساياحاتتى دوعارۋعا جانە بيلەتتەردى قايتا وتكىزۋگە تۋرا كەلەدى.

Ashyq ادامدار كوپ جينالاتىن ءارتۇرلى نىسانداردا بەلسەندى تۇردە ەنگىزىلۋدە. قاراعاندى تەمىرجول ۆوكزالىنا تاۋلىك سايىن مىڭداعان ادام كەلەدى. كۇنىنە پەرروننان 30-عا دەيىن پويىز جونەلتىلەدى.

«كوپتەگەن ادامدار جونەلتۋدەن بىرنەشە ساعات بۇرىن كەلىپ، كۇتۋ زالىندا پويىزدىڭ كەلۋىن كۇتەدى. ەندى ءبىز جولاۋشىنىڭ قانداي مارتەبەگە يە ەكەنىن، ونىڭ ناۋقاسپەن بايلانىستا بولماعانىن جانە ىندەتكە شالدىقپاعانىن بىلەمىز. بۇل ءبىزدىڭ قىزمەتكەرلەرىمىزدى دە قورعايدى»، دەپ ەسەپتەيدى ۆوكزال باستىعىنىڭ كەزەكشى كومەكشىسى باقىت يگىباەۆا.

قاراعاندى وبلىسى كاسىپكەرلەر پالاتاسىنىڭ ءبولىم باستىعى ازامات دانەنباەۆتىڭ پىكىرىنشە، Ashyq قوسىمشاسى كوروناۆيرۋس ينفەكتسياسىنىڭ تارالۋىنىڭ الدىن الۋ ءتاسىلى رەتىندە ءوز پايداسىن كورسەتتى. جۇيەنى نۇر-سۇلتان جانە الماتى اۋەجايلارى، ەلوردانىڭ جانە ەلىمىزدىڭ باسقا قالالارىنىڭ ۆوكزالدارى پايدالانادى.

 

 

سوڭعى جاڭالىقتار

ءالتىنساريننىڭ ادامي بولمىسى

رۋحانيات • بۇگىن، 00:01

ۋاقىت جاراتقان ۇلى جىر

ادەبيەت • كەشە

ۇقساس جاڭالىقتار