مەديتسينا • 22 ماۋسىم، 2021

جوعارى تەحنولوگيالىق مەديتسينانىڭ مۇمكىندىكتەرى كەڭەيىپ كەلەدى

18 رەت كورسەتىلدى

نۇر-سۇلتان قالاسىنداعى  ۇلتتىق نەيروحيرۋرگيا ورتالىعىندا جاڭا راديولوگيا جانە راديوحيرۋرگيا ءبولىمى اشىلدى، وندا شۆەدتىڭ Elekta كومپانياسى شىعارعان Leksell Gamma Knife® زاماناۋي كەشەنى جۇمىس ىستەي باستادى، دەپ حابارلايدى Egemen.kz.

ورتالىقتىڭ اشىلۋ سالتاناتىنا قازاقستان رەسپۋبليكاسىنىڭ پرەمەر-ءمينيسترى اسقار مامين، دەنساۋلىق ساقتاۋ ءمينيسترى الەكسەي تسوي جانە نۇر-سۇلتان قالاسىنىڭ اكىمى التاي كولگىنوۆ كەلدى. قازاقستان وسىنداي جوعارى تەحنولوگيالىق جابدىقتارعا يە تمد-داعى ءۇشىنشى جانە ورتالىق ازياداعى ءبىرىنشى مەملەكەت ەكەنىن ايتا كەتكەن ءجون.

«گامما-پىشاق» – ميدىڭ ءارتۇرلى پاتولوگيالىق تۇزىلىمدەرىن جوعارى دالدىكپەن ءبىر مەزگىلدە ساۋلەلەندىرۋ ارقىلى جويۋعا ارنالعان قوندىرعى. «گامما پىشاعى» ارقىلى ستەرەوتاكسيكالىق راديوحيرۋرگيا ءادىسىنىڭ ءمانى زاقىمدانعان ايماقتىڭ ءبىر رەت جانە ءدال ساۋلەلەنۋىندە. تيىمدىلىگى بويىنشا مۇنداي ەمدى حيرۋرگيالىق وپەراتسيامەن سالىستىرۋعا بولادى، بىراق سونىمەن بىرگە ول انەستەزياسىز جۇرگىزىلەدى، سكالپەلمەن جۇمىس ىستەۋدى جانە كەيىننەن رەانيماتسيانى قاجەت ەتپەيدى، ناۋقاستاردىڭ جاسىنا ەشقانداي شەكتەۋلەر قويمايدى.

– بۇل ءبىز ءۇشىن، جالپى قازاقستاندىق نەيروحيرۋرگيانىڭ دامۋى ءۇشىن ۇلكەن وقيعا. قازاقستاننىڭ بارلىق ايماقتارىندا دياگنوستيكالىق جابدىقتاردىڭ سانى جەتكىلىكتى، سونىڭ ارقاسىندا اۋرۋدىڭ العاشقى كەزەڭدەرىن انىقتاي باستادىق. «گامما-پىشاقپەن» وسىنداي ناۋقاستاردى وپەراتسياسىز، اسقىنۋسىز، امبۋلاتوريالىق جاعدايلاردا ەمدەۋگە بولادى. ءبىز مامانداردى الدىن الا دايىندادىق، «گامما-پىشاقپەن» بۇرىننان جۇمىس ىستەپ كەلە جاتقان ءتۇرلى ورتالىقتاردا وقىتتىق – بۇل پراگاداعى، ميلانداعى، ماسكەۋدەگى مەديتسينالىق ورتالىقتار، ءبىزدىڭ ستراتەگيالىق سەرىكتەسىمىز رەسەيلىك اكادەميك ن.ن.بۋردەنكو  اتىنداعى ۇلتتىق مەديتسينالىق نەيروحيرۋرگيا ورتالىعى بولىپ تابىلادى. مەملەكەت دەنساۋلىق ساقتاۋ سالاسىن دامىتۋعا ۇلكەن كوڭىل بولەدى جانە وسىنداي قىمبات قۇرال-جابدىقتار ساتىپ الۋ سونىڭ دالەلى، – دەپ بەلگىلەپ ايتتى «ۇلتتىق نەيروحيرۋرگيا ورتالىعى» اق باسقارما توراعاسى، پروفەسسور، قر ۇعا اكادەميگى سەرىك اقشولاقوۆ.

چەحيادان كەلگەن ماماندار توبى نۋر-سۇلتاندا دانالانعان رەجيمدە شىعارىلعان جابدىقتى ورناتۋ جانە ىسكە قوسۋ ءۇشىن جۇمىس ىستەدى، ال ءبىرىنشى وپەراتسيانى وتكىزۋ ءۇشىن بۋردەنكو اتىنداعى رەسەيدىڭ نەيروحيرۋرگيا ورتالىعىنىڭ راديوحيرۋرگيا بولىمشەسىنىڭ مەڭگەرۋشىسى، رعا كوررەسپوندەنت-مۇشەسى، پروفەسسور، مەديتسينالىق عىلىمدار دوكتورى اندرەي گولانوۆ كەلدى. ونىڭ قاتىسۋىمەن راديولوگيا جانە راديوحيرۋرگيا ءبولىمىنىڭ جەرگىلىكتى ماماندارىنا تاعىلىمداما ءوتتى. وقۋ باعدارلامالارى اياسىندا پاتسيەنتتەردى تاڭداۋ، ەمدەۋ جانە باقىلاۋدىڭ كلينيكالىق اسپەكتىلەرى، «گامما-پىشاق» قوندىرعىسىندا پراكتيكالىق جۇمىس قامتىلدى.

– Elekta ءۇشىن نۇر-سۇلتانداعى ۇلتتىق نەيروحيرۋرگيا ورتالىعىنىڭ ۇزاق مەرزىمدى سەرىكتەسى بولۋ – ماقتانىش جانە ابىروي. ءبىز قازاقستاندا گامما-پىشاعىن پايدالانۋ بويىنشا قىزمەتتەردى ۇسىنا الاتىنىمىزعا دا وتە قۋانىشتىمىز. سىزدەردىڭ كاسىبي قولدارىڭىزداعى گامما-پىشاعى قازاقستانداعى، سونداي-اق كورشى ەلدەردەگى مىڭداعان پاتسيەنتتەرگە وڭ ناتيجە بەرەتىنىنە سەنىمدىمىز.ءبىز Elekta كومپانياسىندا جارتى عاسىردان استام ۋاقىت بويى كوپتەگەن ەلدەردە جاساپ كەلە جاتقانداي، قازاقستانداعى دەنساۋلىق ساقتاۋ جۇيەسىنىڭ دامۋىنا كومەكتەسۋدى جالعاستىرعىمىز كەلەدى. قازاقستاندا نەيروحيرۋرگيا سالاسىن كەرەمەت جانە جارقىن بولاشاق كۇتىپ تۇرعانىنا سەنىمدىمىن، - دەدى لوران لەكسەلل، Elekta كومپانياسىنىڭ نەگىزىن سالۋشى جانە ديرەكتورلار كەڭەسىنىڭ توراعاسى. 

«گامما-پىشاق» كەشەنى مەملەكەتتىك قاراجات ەسەبىنەن ساتىپ الىندى، قازاقستاندىقتار ءۇشىن ەمدى تەگىن كۆوتالار بويىنشا الۋعا مۇمكىندىكتەرى بار. بۇعان دەيىن ناۋقاستاردى شەتەلگە قىمبات ەم الۋعا جىبەرۋگە تۋرا كەلگەن. سونداي-اق، ورتالىق ازياداعى جالعىز راديولوگيا جانە راديوحيرۋرگيا ءبولىمى كورشى ەلدەردەن كەلگەن ناۋقاستارعا جوعارى تەحنولوگيالىق مەديتسينالىق كومەك كورسەتۋگە دايىن، بۇل قازاقستاندا مەديتسينالىق ءتۋريزمنىڭ دامۋىنا سەرپىن بەرەدى.

«گامما-پىشاق» كەشەندى جابدىعىن ىسكە قوسۋ بويىنشا ۇلكەن جۇمىستى شۆەدتىك Elekta-نىڭ قازاقستاندىق سەرىكتەسى -  «دياگنوستيكا ورتالىق ازيا» كومپانياسى وتكىزدى. پاندەميانىڭ قيىن كەزەڭىندە جابدىقتى جەتكىزۋگە، ونى ورناتۋعا، كادرلاردى دايارلاۋعا جانە ءوندىرۋشىنىڭ ماماندارى مەن نەيروحيرۋرگيا ورتالىعىنىڭ ءوزارا ارەكەتتەستىگىن ۇيىمداستىرۋعا بايلانىستى بارلىق ماسەلەلەر جەدەل ءارى ءتيىمدى شەشىلدى.

ارمان وكتيابر،

«ەگەمەن قازاقستان»

سوڭعى جاڭالىقتار

سەگىزساي جاۋھارلارى

تاريح • بۇگىن، 09:58

كوز تارتار كوركەم الەم

ونەر • بۇگىن، 09:57

جەكە دەرەكتەر جەلىگە تاراپ كەتتى

تەحنولوگيا • بۇگىن، 09:54

جاناشىرلىق جاساۋ جولدارى قاراستىرىلدى

تاۋەلسىزدىكتىڭ 30 جىلدىعى • بۇگىن، 09:53

ورماندى ويسىراتىپ المايىق

ەكولوگيا • بۇگىن، 09:51

جاسىل بەلدەۋ جايقالا تۇسەدى

ەكولوگيا • بۇگىن، 09:48

ەرىنبەگەننىڭ تابىسى ەسەلەنەدى

ايماقتار • بۇگىن، 09:38

باۋىرىم باۋىرىمنان قىمبات ەمەس

كوروناۆيرۋس • بۇگىن، 09:36

ىندەتتەن ساقتانۋدىڭ ۇتىمدى جولى

كوروناۆيرۋس • بۇگىن، 09:34

جانساقتاۋ بولىمىندە ورىن جوق

كوروناۆيرۋس • بۇگىن، 09:28

دوسىن قۇتقارعان جاس ورەن

قوعام • بۇگىن، 09:26

كوروناۆيرۋس: 2625 ادام جازىلىپ شىقتى

كوروناۆيرۋس • بۇگىن، 09:18

جاڭعىرتۋلارعا نەگىز قالايدى

ساياسات • بۇگىن، 09:16

بەلسەندىلىك جوعارى بولدى

ساياسات • بۇگىن، 09:14

باسەكەلەستىك ءباسى باسىم

ساياسات • بۇگىن، 09:10

تاعى 6797 ادام كوروناۆيرۋس جۇقتىردى

كوروناۆيرۋس • بۇگىن، 09:02

اۋىل تىرشىلىگى جاندانادى

ساياسات • بۇگىن، 08:35

اۋقىمدى جوبانىڭ باستاۋى

ساياسات • بۇگىن، 08:28

ناعىز حالىقتىق تاڭداۋ جاسالدى

ساياسات • بۇگىن، 08:23

التىن ساتىپ الۋ ازايمايدى

قازاقستان • كەشە

ۇقساس جاڭالىقتار