وسىعان وراي جوبالىق كەڭسە دەنساۋلىق ساقتاۋ سالاسىنداعى اشىقتىقتى قامتاماسىز ەتۋ ءۇشىن اۋرۋحانا, ەمحانا عيماراتتارىنىڭ ءبىرىنشى قاباتىنا ءىلۋ, رەسمي سايت پەن الەۋمەتتىك جەلىلەردەگى پاراقشالارىندا جاريالاۋ ءۇشىن ءبىر تيپتىك ۇلگىدەگى اقپاراتتاندىرۋ قاعازىن ۇسىندى.
«الايدا, 15 ماۋسىمعا دەيىن تۇرعىنداردى اقپاراتتاندىرۋ مەن دەنساۋلىق ساقتاۋ سالاسىندا كورسەتىلەتىن قىزمەتتەگى اشىقتىق سايتتار ارقىلى, كەيبىر ەمدەۋ مەكەمەلەرىنە بارىپ, باسقارمانىڭ ۇسىنعان مالىمەتتەرگە سۇيەنىپ جاسالعان مونيتورينگتەن بايقالدى. ماسەلەن, ماحامبەت, يندەر اۋداندارىندا جاسالىپ جاتقان جۇمىستىڭ كورسەتكىشى تومەن. قۇرمانعازى, ماقات اۋداندارىنىڭ ەمدەۋ مەكەمەلەرى اقپاراتتى ءوز پاراقشالارىنا جاريالاعانىمەن, سۋرەت نەمەسە تۇرعىندارعا ىڭعايلى اقپاراتتاندىرۋ ينفوگرافيكاسى سالىنباعان. ال, اتىراۋ قالالىق №3 ەمحانادا بۇرىنعى ءتىزىم جاڭارتىلماي تۇر. ەركىنقالا امبۋلاتوريالىق ەمحاناسىنىڭ ءۇش سايتىندا دا تەگىن ءدارى-دارمەكتەر جايىندا اقپارات سالىنباعان. قىزىلقوعا اۋدانىنىڭ مەديتسينالىق مەكەمەلەرى اقپاراتتى تەك ءوز سايتىنا سالعان, ال, الەۋمەتتىك جەلىلەرگە جاريالاماعان. كوپتەگەن ەمحانادا تەك سايتتار مەن الەۋمەتتىك جەلىلەرگە اقپاراتتاندىرۋ جۇرگىزىلگەنىمەن, عيماراتتىڭ ءبىرىنشى قاباتىنا ىلىنبەگەن», دەپ حابارلادى جوبالىق كەڭسەدەن.
