مەديتسينا • 22 ماۋسىم، 2021

كەدەي ەلدەرگە ۆاكتسينا جەتپەي جاتىر – ددسۇ

13 رەت كورسەتىلدى

دۇنيەجۇزىلىك دەنساۋلىق ساقتاۋ ۇيىمى (ددسۇ) بىرقاتار كەدەي ەلدە ۆاكتسيناتسيا باعدارلاماسىن جالعاستىرۋ ءۇشىن دوزا جەتكىلىكسىز ەكەنىن مالىمدەدى، دەپ حابارلايدى Egemen.kz.

ددسۇ باس ديرەكتورىنىڭ اعا كەڭەسشىسى بريۋس ەيلۆورد ۆاكتسينامەن تەڭ دارەجەدە قامتاماسىز ەتۋگە باعىتتالعان دۇنيەجۇزىلىك COVAX باستاماسىمەن 131 ەلگە 90 ميلليون دوزا جەتكىزىلگەنىن ايتتى. الايدا حالىقتى ۆيرۋستان قورعاۋ ءۇشىن ول جەتكىلىكسىز ەكەنى ايتىلدى.

افريكانىڭ كەي ەلدەرىندە كوروناۆيرۋستىڭ ءۇشىنشى تولقىنى ءجۇرىپ جاتىر. سوندىقتان ەلدەردە جەتىسپەۋشىلىك پايدا بولعان. وڭتۇستىك افريكا رەسپۋبليكاسىنىڭ (وڭتۇستىك افريكا) پرەزيدەنتى سيريل رامافوسا ۆاكتسينالاردىڭ نەعۇرلىم باي ەلدەردە جينالىپ جاتقانىن توقتاتۋعا شاقىردى.

رامافوسانىڭ ايتۋىنشا، قۇرلىقتىق دەڭگەيدە افريكاعا تەك 40 ميلليون دوزا ەنگىزىلگەن.

بۇل حالىقتىڭ 2 پايىزىنان از. ول بۇل ماسەلەنى شەشۋ ءۇشىن ەل ۇكىمەتى وڭتۇستىك افريكادا ۆاكتسينالار شىعاراتىن ورتالىق قۇرۋ ۇستىندە ەكەنىن ايتتى.

بۇعان دەيىن ددسۇ باس ديرەكتورى جان باسىنا شاققانداعى تابىسى از ەلدەر مەن ورتاشا تابىسى بار مەملەكەتتەردىڭ كوپشىلىگى كوروناۆيرۋسقا قارسى ۆاكتسينانى الا المايدى دەپ مالىمدەدى.

ونىڭ ايتۋىنشا، الەم باي جانە كەدەي ەلدەر اراسىندا ۆاكتسينالاردىڭ بىركەلكى بولىنبەۋىنە بايلانىستى مورالدىق اپاتتىڭ الدىندا تۇر.

سوڭعى جاڭالىقتار

قانشا ادام ۆاكتسينا سالدىردى؟

كوروناۆيرۋس • بۇگىن، 09:16

ۇقساس جاڭالىقتار