ايماقتار • 21 ماۋسىم، 2021

ەلورداعا جارىسقا كەلگەن سپورتشىلار قوناقۇيدە توبەلەس شىعارعان

11 رەت كورسەتىلدى

20 ماۋسىمدا ەلوردا پوليتسيا قىزمەتىنىڭ «102» نومىرىنە قورعالجىن تاسجولىندا ورنالاسقان قوناقۇيدىڭ نومىرىندە بەلگىسىز بىرەۋ ەر ادامعا پىشاق سالىپ، وقيعا ورنىنان ءىزىن جاسىرعانى تۋرالى حابارلاما كەلىپ ءتۇستى، دەپ حابارلايدى Egemen.kz قالالىق پوليتسيا دەپارتامەنتىنە cىلتەمە جاساپ.

وقيعا ورنىنا پوليتسيا قىزمەتكەرلەرى جەدەل كەلىپ جەتتى. تەكسەرىس كەزىندە ءبىر توپ جاستاردىڭ 15 ماۋسىم كۇنى ەلورداعا قازاقشا كۇرەستەن رەسپۋبليكالىق جارىسقا اقتوبە قالاسىنان كەلگەنى انىقتالدى.

جارىس اياقتالعان سوڭ 20 ماۋسىم كۇنى ولار قوناقۇيگە كەلگەن. 21 جاستاعى ەكى ەر ادامنىڭ اراسىندا جانجال شىعىپ، ارتى توبەلەسكە ۇلاستى. سالدارىنان ونىڭ بىرەۋى ەكىنشىسىنىڭ كەۋدە تۇسىنا پىشاق جاراقاتىن سالعان. جابىرلەنۋشى اۋرۋحاناعا جەتكىزىلدى.

21 جاستاعى كۇدىكتى ەر ادام ۇستالىپ، ۋاقىتشا وقشاۋلاۋ اباقتىسىنا قامالدى. اتالعان فاكت بويىنشا قىلمىستىق ءىس قوزعالدى. تەرگەۋ جۇمىستارى ءجۇرىپ جاتىر.

بۇدان باسقا، تەرگەۋ اياسىندا اتالعان جارىستى ۇيىمداستىرۋشىلارعا باعا بەرىلەدى.

سوڭعى جاڭالىقتار

ءبىر قۋانتىپ، ءبىر مۇڭايتقان سالا

ەكونوميكا • بۇگىن، 21:52

اقتوبەدە قوقىس پوليگونى ورتەندى

ايماقتار • بۇگىن، 19:58

تۋريستكە دە ءتارتىپ بار

ايماقتار • بۇگىن، 18:06

دوللار قايتا قىمباتتاي باستادى

ەكونوميكا • بۇگىن، 11:47

ۇقساس جاڭالىقتار