قوعام • 21 ماۋسىم، 2021

شەنەۋنىكتەرگە جاڭا جاۋاپكەرشىلىك جۇكتەلۋى مۇمكىن

87 رەت كورسەتىلدى

ەسەپ كوميتەتىنىڭ توراعاسى ناتاليا گودۋنوۆا قازاقستاندا سىرتقى قارىزداردى قيسىنسىز تارتۋ جانە پايدالانۋ بويىنشا جەكە جاۋاپكەرشىلىك ەنگىزۋ قاجەت ەكەنىن ايتتى، دەپ حابارلايدى Egemen.kz.

گودۋنوۆانىڭ ايتۋىنشا، مۇناي-گاز سەكتورىنا تاۋەلدىلىك تولەم بالانسى مەن ۇلتتىق ۆاليۋتانىڭ تۇراقتىلىعىنا قاۋىپ توندىرەدى. سونىمەن قاتار ول كاسىپكەرلىكتى، اسىرەسە ونەركاسىپتى قولداۋعا ايتارلىقتاي كۇش سالۋ كەرەگىن ايتتى.

«مەملەكەتتىك قارىزدىڭ ءوسۋى ەلدەگى ماكروەكونوميكالىق تۇراقتىلىق تاۋەكەلدەرىن تۋدىرادى. قابىلدانعان بورىشتىق مىندەتتەمەلەر بويىنشا: قاشان، قانداي كوزدەردەن جانە قانداي كولەمدە بورىشتى وتەۋ جوسپارلانعانىن جانە ءبىر-ءۇش جىلعا ەمەس، كەم دەگەندە 10 جىلعا ناقتى قالىپتاسقان نيەت بولعانىن قالار ەدىك. بۇل جەردە ايقىندىق پەن اشىقتىق قاجەت»، دەدى گودۋنوۆا پارلامەنت پالاتالارىنىڭ بىرلەسكەن وتىرىسىندا.

سونداي-اق ناتاليا گودۋنوۆا ەلىمىزدە مەملەكەتتىك ورگانداردىڭ وسى قىزمەتىن ىسكە اسىرۋ، حالىقارالىق كونسۋلتانتتاردى تارتۋ جانە شەتەلدىك تاجىريبەنى زەردەلەۋ ءۇشىن قارجىلاندىرۋدى سىرتتان تارتۋ تاجىريبەسىن الىپ تاستاۋ قاجەت ەكەنىن ايتتى.

«وسى مىندەتتەردى ىسكە اسىرۋ ءۇشىن قارجىلىق جانە ادامي رەسۋرستارىمىز جەتكىلىكتى. سىرتتان قارىزداردى ۇتىمسىز تارتقانى جانە پايدالانعانى ءۇشىن، سونداي-اق ولاردى ۋاقتىلى يگەرمەگەنى، كەيدە ولاردىڭ كۇشىن جويعانى ءۇشىن جەكە جاۋاپكەرشىلىك ەنگىزۋ تالاپ ەتىلەدى. بۇل تۋرالى دەپۋتاتتار دا ايتتى»، دەدى ول.

سوڭعى جاڭالىقتار

ىزگىلىكتىڭ العاشقى قادامى

ايماقتار • بۇگىن، 00:11

ءۇش نىساننىڭ ىرگەتاسى قالاندى

ايماقتار • بۇگىن، 00:10

كەنيانىڭ كوز جاسى

ادەبيەت • كەشە

ارىستانمەن ارباسۋ

ونەر • كەشە

ۇقساس جاڭالىقتار