بۇگىنگى تاڭدا اقتوبە وبلىسىنىڭ 512 كاسىپكەرى «Ashyq» جوباسىنا قاتىسۋعا ءوتىنىش بەرىپ, ولاردىڭ 378-ءى QR-كودتاردى جۇكتەگەن. وعان قوسا 134 نىسان پيلوتتىق رەجيمدە جۇمىس ىستەپ جاتىر. جوباعا قاتىسۋشى نىساندار قىزمەت سالالارىنىڭ بارلىعىن قامتىپ وتىر.
باعدارلاما ەنگىزىلگەننەن باستاپ, وڭىردەگى «Ashyq» جوباسىنا قاتىساتىن نىسانداردا «سارى» ستاتۋسى بار 73 ادام جانە «قىزىل» ستاتۋسى بار 22 ادام انىقتالعان.
10 جانە 17 ماۋسىم ارالىعىندا «Ashyq» جوباسىنىڭ كومەگىمەن اقتوبە وبلىسىندا «قىزىل» ستاتۋسى بار 3 جانە «سارى» ستاتۋسى بار 11 وقشاۋلاۋ رەجيمىن بۇزۋشى انىقتالدى.
«Ashyq» جوباسىن ەنگىزۋدىڭ نەگىزگى ماقساتى – كوروناۆيرۋس ينفەكتسياسىنىڭ الدىن الۋ, ياعني اۋرۋ جۇقتىرعان نەمەسە بايلانىستا بولعان ادامداردىڭ قوعامدىق ورىندارعا بارۋ جاعدايلارىن بولدىرماۋ.
