قوعام • 21 ماۋسىم، 2021

جىل باسىنان بەرى 113 پەدوفيل قاماۋعا الىندى – باس پروكۋراتۋرا

5 رەت كورسەتىلدى

باس پروكۋرور عيزات نۇرداۋلەتوۆتىڭ توراعالىعىمەن كەڭەيتىلگەن القا وتىرىسىندا پروكۋراتۋرا ورگاندارىنىڭ 2021 جىلدىڭ ءبىرىنشى جارتى جىلدىعىنداعى جۇمىسى قورىتىندىلاندى، دەپ حابارلايدى Egemen.kz.

القا وتىرىسىندا ءمالىم ەتىلگەندەي، قوعامدىق مۇددەلەردى قورعاۋ سالاسىندا مەملەكەتتىك بيۋدجەتكە 11 ملرد تەڭگەدەن استام قاراجات وتەلدى. 405 مىڭ جۇمىسكەردىڭ پايداسىنا 3،4 ملرد تەڭگە جالاقى بەرەشەگى ءوندىرىلدى.

موبيلدىك توپتار 70 مىڭنان استام كاسىپكەردىڭ قۇقىعىن بۇزۋدىڭ جولىن كەسىپ، 26 ملن تەڭگەدەن استام سوماعا 29 مىڭ اكىمشىلىك ءوندىرىستىڭ كۇشىن جويدى.

قىلمىستىق زاڭنامانى قاتاڭداتۋ ناتيجەسىندە ماس كۇيىندە كولىك جۇرگىزگەنى ءۇشىن باس بوستاندىعىنان ايىرىلعانداردىڭ سانى 106-دان 473-كە دەيىن، ياعني 4،5 ەسەگە ۇلعايدى، كامەلەتكە تولماعاندارعا جىنىستىق زورلىق-زومبىلىق كورسەتۋ ىستەرى بويىنشا بارلىق 113 پەدوفيل تۇزەۋ مەكەمەلەرىنە قامالدى.

قىلمىستىق پروتسەستە تەرگەۋدەگى پروكۋرورلىق قاداعالاۋدىڭ ساپاسىن ارتتىرۋعا اسا نازار اۋدارىلدى.

«اشىقتىقتى قامتاماسىز ەتۋ جانە ازاماتتار مەن بيزنەس قۇقىقتارىنىڭ بۇزىلۋىنا جەدەل دەن قويۋ ءۇشىن تسيفرلىق تەحنولوگيالاردى كەڭىنەن قولدانۋ قاجەت»، دەدى ۆەدومستۆو باسشىسى.

سونىمەن قاتار عيزات نۇرداۋلەتوۆ كاسىپكەرلەردىڭ قۇقىقتارىن قورعاۋ، داعدارىسقا قارسى شارالاردىڭ ىسكە اسىرىلۋىن باقىلاۋ، ءدارى-دارمەكپەن، مەديتسينالىق قامتاماسىز ەتۋ، جەر زاڭناماسىن ساقتاۋ جونىندەگى پرەزيدەنتتىڭ تاپسىرمالارىن ساپالى ورىنداۋ قاجەتتىگىن اتاپ ءوتتى، سونداي-اق الەۋمەتتىك ماڭىزى بار ازىق-ت ۇلىك ونىمدەرى باعاسىنىڭ ءوسۋ سەبەپتەرىنە تالداۋ جۇرگىزۋگە باعدار بەردى.

سوڭعى جاڭالىقتار

ەرتەڭىن ويلاعان ەكپە الادى

كوروناۆيرۋس • بۇگىن، 16:53

ۇقساس جاڭالىقتار