وقيعا • 18 ماۋسىم، 2021

«Súıikti astana» سۋرەت بايقاۋى جاريالاندى

40 رەت كورسەتىلدى

استانا كۇنىنە وراي جۇلدە قورى 950 مىڭ تەڭگەنى قۇرايتىن «Súıikti اstana» اتتى بايقاۋى جاريالاندى، دەپ حابارلايدى Egemen.kz.

بيىل قازاقستاننىڭ ەلورداسى – نۇر-سۇلتان قالاسىنا 23 جىل تولماق. وسىعان وراي، بارلىق قازاقستاندىقتاردىڭ ەلىمىزدىڭ باس قالاسىنىڭ كوركەم سۋرەتتەرىن بايقاۋعا جولداۋعا مۇمكىندىكتەرى بار. وتىنىمدەردى قابىلداۋ 2021 جىلدىڭ 21 ماۋسىمىنا دەيىن جالعاسادى.

بايقاۋ جەڭىمپازى 300 مىڭ تەڭگەنىڭ يەسى اتانادى. 2 ورىن ءۇشىن جۇلدە - 200 مىڭ تەڭگە، 3 ورىن ءۇشىن - 100 مىڭ تەڭگەنى قۇراسا، 4-10 ورىن جەڭىمپازدارىنا 50 مىڭ تەڭگەدەن سىياقى بەرىلەدى.

بايقاۋدىڭ قورىتىندىسى 2021 جىلدىڭ 6 شىلدەسىندە نۇر-سۇلتان ۋاقىتىمەن ساعات 15.00-گە دەيىن بەلگىلى بولادى.

بايقاۋعا نۇر-سۇلتان قالاسىندا تۇسىرىلگەن، بۇرىن ەشقانداي اقپارات قۇرالدارىندا (جارنامانى، فوتوماتەريالداردىڭ دەرەكتەر بازاسىن، الەۋمەتتىك جەلىلەردى جانە ت.ب. قوسا العاندا) جاريالانباعان، بارلىق اۆتورلىق قۇقىقتارى قاتىسۋشىعا تيەسىلى بىرەگەي سۋرەتتەر قابىلدانادى.

بايقاۋعا 18 جاستان اسقان قازاقستاندىقتار قاتىسا الادى. بايقاۋدىڭ بارلىق كەزەڭىندە قاتىسۋشىعا تەك ءبىر عانا سۋرەت جولداۋعا رۇقسات ەتىلەدى.

بايقاۋدىڭ تولىق ەرەجەلەرىمەن Instagram-داعى Súıikti اstana پاراقشاسىنان تانىسۋعا بولادى.

 

بوتاگوز امالبەك

سوڭعى جاڭالىقتار

ۇقساس جاڭالىقتار